عراق ده سیلاو لر بولیب اوتدی

عراق ده, امریکا لیک حربی لر نینگ چیکیلیشی آرتیدن ایلک مراتبه توناون سیلاو لر بولیب اوتدی.
قریب ۲۲ میلیون ثبت ایتیلگن رای بیروچی نینگ موجود بولگن اوشبو اولکه ده ۳۲۸ کرسی گه ایگه پارلمان اعضالیگی اوچون ۹ مینگ ۱۲ کاندید بیر بیر لری گه قرشی رقابت ایتدی.
سیلاو نینگ رسمی بولمه گن ایلک نتیجه لری نینگ کیله هفته ده بلدریله دیگن لیگی قید ایتیلدی.
ترور تشکیلاتی القاعده بیلن ارتباطی بولگن گروه لرنینگ قولی ده گی فلوجه ده ایسه سیلاو بوله آلمه دی.
رامادی نینگ ایسه معلوم بیر قسمی ده سیلاو بولیب اوتدی.
سونگگی آی لر ده هجوم لرنینگ آرتیب کیتگن لیگی سببلی سیلاو لر جریانی ده امنیتی تدبیر لر هم یوقاری سویه ده آلیندی.
عراق ده دولت اداره لری بیر هفته لیق بیر مدت بیلن بیرکیتیلیب قویلدی.
عینی دمده عراق هوا ساحه سی نینگ هم توناون کیچکی پیت لر گه قدر هوا ترافیکی گه بیرکیتیلیب قویلگن لیگی قید ایتیلدی.
خوف سیزلیک تدبیر لری گه قره مسدن عراق ده اویشتریلگن هجوم لر عاقبتیده ۶ کیشی جان بیررایکن, ۱۸ نفر ایسه یاره لندی.
شیعه و کرت لرنینگ یشیتگن منطقه لر ده سیلاو لر گه اشتراک میزانی جوده یوقاری ایکن, ترور تشکیلات لری نینگ تهدید لری سببلی سنی منطقه لر ده اشتراک میزانی نینگ ایسه آز ایکن لیگی کوریندی.
سیلاو لر گه اشتراک ایتگن کتته حزب لرنینگ ایککی سی شیعه, اوچی سنی و بیری ایسه کرت لر گه عاید ایدی.
باش وزیر نوری المالکی ایسه بیرگن بیانات لری ده, "انیق روشده موفق بوله میز. براق موفقیتی میز نینگ قنچه بوله دیگن لیگی نی بیلمی میز" دییه قید ایتدی.
ایککی دور دن بیری باش وزیرلیک وظیفه سی نی دوام ایتتریتگن المالکی نینگ ینه سیلاو لر ده موفق بولیب چیقیشی کوتیلماقده.
براق, المالکی نینگ منسوبی بولگن شیعه بلاکی نینگ بیرته گینه اوزی نینگ حکومت قوره آلیشی نینگ ممکن ایمس لیگی بلدریلماقده.