اردوغان بیلن علی اف اورته سیده گی اوچره شووده نیمه لر گپیریلدی؟
اوشبو توغریده تورکیه جمهوریتی جمهوررئیسلیک علاقه باشقرمه سی تامانیدن بیانات بیریلدی
تورکیه جمهوریتی جمهوررئیسی رجب طیب اردوغان و آذربایجان جمهوررئیسی الهام علی اف اورته سیده انقره ده بولیب اوتگن اوچره شووده اسرائیل نینگ غزه ده قیلگن قیرغین فعالیت لری, اشغال دن قوتقریلگن آذربایجان توپراق لریده گی قیته قوریش ایشلری, منطقه و خلق ارا مقیاسده گی موضوع لر حقیده سوز یوریتیلدی.
تورکیه جمهوریتی جمهوررئیسلیک علاقه باشقرمه سی تامانیدن بیریلگن بیاناتگه کوره, توناون پایتخت انقره ده جمهوررئیسلیک مجتمع سیده اردوغان بیلن علی اف اورته سیده بیر اوچره شوو بولیب اوتدی.
جمهوررئیس اردوغان اوشبو اوچره شووده, تورکیه نینگ قاره باغ ده گی روس تینچلیک نی سقلش کوچی نینگ منطقه نی ترک ایتیشی بیلن علاقه لی پروسه نی کوزه تگن لیگی و ارمنستان اشغالیدن قوتقریلگن آذربایجان توپراق لریده گی قیته قوریش ایشلرینی تقدیر بیلن کوتیب آلگن لیگینی معلوم قیلدی.
اسرائیل نینگ غزه و قالیویرسه فلسطین توپراق لریده قیرغین فعالیت لری نی دوام ایتدیریاتگن لیگی, اسرائیل نینگ اوشبو جرم لر بیلن نه فقط منطقه خلق ارا مقیاسده هم خوفسیزلیک تهدیدی تشکیل ایتیاتگن لیگینی معلوم قیلگن اردوغان, قالووچی ییچیم نینگ, پایتختی بیت المقدس دن عبارت فلسطین دولتی نینگ قوریلیشی ایکن لیگی و بونینگ اوچون خلق ارا جامعه تامانیدن اسرائیل گه باسیم قیلینیشی کیره ک ایکن لیگی نی بیلدیردی.
آذربایجان ملی مجلسیده شمالی قبرس تورک جمهوریتی بیلن پارلمان لر دوستلیک گروپی قوریلیشی بوییچه قرار نینگ خرسندچیلیککه سبب بولگن لیگینی بیلدیرگن اردوغان, جولای آییده شوشاده بولیب اوته دیگن تورک دولت لری رهبر لر ییغیلیشی گه شمالی قبرس تورک جمهوریتی جمهوررئیسی ایرسین تاتار نینگ هم دعوت ایتیلیشی نینگ قبرس دعواسی گه مثبت حصه قوشه دیگن لیگینی ایسله تیب اوتدی.
آذربایجانده بولیب اوته دیگن اقلیم بوییچه رهبر لر ییغیلیشی گه دعوتی سببلی علی اف گه منتدارچیلیک بیلدیرگن اردوغان, تیارگرلیک باسقیچیده هر خیل همکارلیککه تیار ایکن لیک لرینی معلوم قیلدی.
اردوغان اوشبو رهبر لر ییغیلیشیده, عیالی امینه اردوغان نینگ حمایه سیده گی "صفر قالدیق پروژه سی" دایره سیده مهم فعالیت لرنینگ یوریتیله دیگن لیگینی بیلدیردی.
