تورکیه غزه خلقی گه یاردم یوبارماقده

تورکیه دن غزه خلقی گه یاردم آلیب بارگن 9- کیمه مصر گه ییتیب باردی. 

تورکیه نینگ مرسین بندری دن 16- اپریل کونی جونه گن تورکیه جمهوریتی قیزیل یریم آی جمعیتی تامانیدن تامین ایتیلگن و غذایی مواد, چقه لاق لر اوچون نرسه لر و اون کبی ضرورت لرنی انتقال ایتدیریاتگن کیمه آقدینگیز ده گی سفری نی تکمیل قیلماقده. 

بوگون کیچکی پیتده مصر نینگ الاریش بندری گه ییتیب باریشی کوتیلیاتگن کیمه ده گی 3 مینگ 774 تن مواد, موتر لر گه آرتیلیب رفح چیگره سی آرقه لی غزه خلقی گه آلیب ییتکزیب بیریله دی. 

تورکیه جمهوریتی قیزیل یریم آی جمعیتی بیلن آفت و عاجل وضعیت لر اداره سی نینگ همکارلیگی بیلن حاضرگی کون گه قدر 13 اوچاق و 8 کیمه بیلن توپلم 39 مینگ 697 تن بشری یاردم غزه خلقی گه ییتکزیب بیریلدی.