تورکیه ده ترورچیلر گه قرشی عملیات اویوشتیریلدی

تورکیه ده شیرناق, دیاربکر, سییرت و هککاری ولایت لریده اویوشتیریلگن "بوزدوغان -19) عملیاتلریده ترورچی لر گه عاید 22 مرکز و مغاره یوق قیلیندی. 

تورکیه جمهوریتی ایچکی ایشلر وزیری علی ییرلی قایه, اجتماعی ترماق آرقه لی بیرگن بیاناتیده, شیرناق, دیاربکر, سییرت و هککاری ولایت لریده اویوشتیریلگن عملیاتلر گه 1445 نفر خوفسیزلیک پرسونلی نینگ اشتراک قیلگن لیگینی معلوم قیلدی. 

ییرلی قایه, بولووچی ترور تشکیلاتی منسوبی ترورچی لرنینگ چیککه حدود لرده هجوم اویوشتیریش اوچون مرکز لر و مغاره لر گه یاشیریب قویگن قورال, مهمات و پارتلاوچی ماده لرنینگ یوق قیلینیشی بیلن علاقه لی 4 ولایتده اویوشتیریلگن "بوزدوغان-19" عملیات لرده ترورچی لر گه عاید 22 مرکز و مغاره نینگ یوق قیلینگن لیگینی بیلدیردی.