اردوغان نوروز مناسبتی بیلن تبریک بیلدیردی

عدالت و رواجله نیش حزبی نینگ رهبری هم بولگن تورکیه جمهوریتی جمهوررئیسی رجب طیب اردوغان حزبی نینگ قیصری ولایتیده گی میتینگیده معروضه قیلدی. 

معروضه سی نینگ باشلنغیچیده نوروز بیره می مناسبتی بیلن تبریک بیلدیرگن اردوغان, "ملتی میز نینگ, نوروز بیره می نی قیزغین کوتیب آلگن جغرافیه میزده گی برچه قرداش لری میز گه اوشبو بیره م مناسبتی بیلن تبریک بیلدیره من.  اورته آسیا دن باشلب بالکان لرگه قدر بولگن کینگیش بیر جغرافیه ده ینگی امید لر بیلن قیزغین کوتیب آلینیاتگن نوروز نینگ خیرلر گه وسیله بولیشی نی آرزو قیلیب قاله من" دییه قید ایتدی.

جمهوررئیس اردوغان, سونگّی 21 ییلده تورکیه نینگ اقتصادی کوچی نی 3 قَوَت گه آرتیرگن لیک لرینی بیلدیردی.  اردوغان, تورکیه نینگ اقتصادی کوچی نی ینه 2 قَوَت گه آرتیریب اوشبو اولکه نینگ اقتصادی جهتدن دنیا نینگ اینگ کوچلی اولکه لری قطاریده اورین آلیشی اوچون شرایط تامین ایتیش نی هدف قیلیب آلگن لیک لرینی ایسله تیب اوتدی.