اردوغان: اسرائیل غزه ده اولدیریلگن چقه لاق لرنینگ جوابی نی بیرسین

تورکیه جمهوریتی جمهوررئیسی رجب طیب اردوغان, "اسرائیل لیک باشقروچی لر, قیرغین حقیقتی نی یاشیریش گه حرکت قیلیش اورنیگه غزه ده اولگن چقه لاق لرنینگ حسابی نی بیرسین" دییه قید ایتدی. 

جمهوررئیس اردوغان ایلچی لرنینگ اشتراکی بیلن بولیب اوتگن افطار دعوتیده معروضه قیلدی. 

تینچلیک آیی بولگن رمضان نی, غزه و یقین تیگره کده گی حادثه لر سببلی قیغولی کوتیب آلگن لیک لرینی بیلدیرگن اردوغان, "غزه و اشغال قیلینگن توپراق لریده اسرائیل نینگ 5 آی دن بیری دوام ایتیاتگن هجوملریده 32 مینگ قرداشی میز شهید بولدی.  73 مینگ نفر فلسطینلیک ایسه یره لندی.  اسرائیل نینگ وحشیانه هجوملری نتیجه سیده غزه, دنیا نینگ اینگ کتته باله و عیال قبرستانی گه ایله نیب قالدی.  بیز بونده ی دیگن پیتده (اسرائیل باش وزیری بنیامین) نتنیاهو و جنایت شبکه سی راحتسیز بولماقده.  برچه یوللر نی تجربه قیلدی لر لیکن طیب اردوغان نینگ حق و حقیقیت نی ایتیشی گه هیچ بیر شکلده مانع بوله آلمه دی لر" دییه قید ایتدی. 

جمهوررئیس اردوغان اوز سوز لرینی, "قاتل نی قاتل دیماقدن بیز نی واز کیچیره آلمه یدی لر.  اسرائیل لیک باشقروچی لر, قیرغین حقیقتی نی یاشیریش گه حرکت قیلیش اورنیگه غزه ده اولگن چقه لاق لرنینگ حسابی نی بیرسین. بیر مقدار اون, آزگینه مکرونی و نان آله آلیش اوچون کوتیب تورگن معصوم عادی اهالی نی اولدیرگن لرنینگ بیزگه ایته دیگن هیچ قنده ی بیر گپی بوله آلمه یدی" شکلیده دوام ایتدیردی. 

تورکیه نینگ حاضرگی کون گه قدر بولگن لیگی دیک بوندن کیین هم فلسطینلیک قرداش لرینی حمایت قیله دیگن لیگی و ظالم لر قرشی سیده هیچ بیر شکلده آرقه گه قدم تشله مه یدیگن لیگینی معلوم قیلگن جمهوررئیس اردوغان, "همه میز اولدیریلگن فلسطینلیک باله لردن قرضدار میز.  فقط گینه مستقل بیر فلسطین دولتی نینگ قوریلیشی بیلن اوشبو قرض نینگ توله نیشی ممکن" دییه قید ایتدی.