تورکیه ده آنتالیا دیپلماسی ییغیلیشی بولیب اوتماقده

تورکیه جمهوریتی جمهوررئیسی رجب طیب اردوغان نینگ حمایه سیده بولیب اوته دیگن 3- آنتالیا دیپلماسی ییغیلیشی بوگون تورکیه نینگ آنتالیا شهریده باشله ماقده.

آلدین جی 20 و ناتو رهبر لر ییغیلیشی کبی مهم ییغیلیش لر سببلی دنیا رهبر لرینی کوتیب آلگن اوشبو شهر, دیپلماسی ییغیلیشی گه اوچینچی مرته میزبانلیک قیلماقده. 

اوشبو ییغیلیش دایره سیده جمهوررئیس اردوغان رهبر لر بیلن اوچره شرایکن, تورکیه جمهوریتی تشقی ایشلر وزیری خاقان فیدان هم 30 دن آرتیق کشبداشی بیلن اوچره شه دی. 

147 اولکه دن یوقاری مرتبه لی نماینده لرنینگ اشتراک قیله دیگن اوشبو ییغیلیش نینگ عنوانی؛ "بحران دوریده دیپلماسی گه اهمیت بیریش" دن عبارت. 

جهان اولکه لری نی قیزیقتیریاتگن اقلیم اوزگریشی, تروریزم, غذا خوفسیزلیگی و فضا دیپلماسی سی کبی خلق ارا مسئله لر دن تشقری, اوشبو ییغیلیشده "غزه" حقیده هم سوز یوریتیله دی. 

تورکیه جمهوریتی جمهوررئیسلیک علاقه باشقرمه سی تامانیدن ترتیب لنگن "زرهی توشلر غزه لیک باله" کورگزمه سی هم مهمان لرنی کوته دی. 

اوشبو کورگزمه ده غزه لیک باله لرنینگ اوروش بیلن علاقه لی تویغو لری صنعت آرقه لی عکس ایتدیریلگن بوله دی. 

عینی دمده اوشبو دایره ده غزه تماس گروپی اعضالری نینگ اشتراکی بیلن بیر پنل هم بولیب اوته دی.