اردوغان: غزه ده گی حادثه لر اوروش ایمس بلکه بیر قیرغین تشبثی دن عبارت

تورکیه جمهوریتی جمهوررئیسی رجب طیب اردوغان, غزه ده یوز بیریاتگن حادثه لرنینگ هیچ بیر شکلده اوروش ایمس بلکه بیر قیرغین تشبثی دن عبارت ایکن لیگینی معلوم قیلدی.

اوچینچی آنتالیا دیپلماسی ییغیلیشیده اشتراکچی لر گه قره ته معروضه قیلگن جمهوررئیس اردوغان, اسرائیل نینگ 7- اوکتوبر دن بیری دوام ایتیاتگن غزه گه قره تیلگن هجوملری حقیده گپیردی. 

غزه ده باله لر, عیال لر و عادی اهالی نینگ وحشیانه بیر شکلده قیرغین قیلینگن لیگی دیک, میلیاردلب کیشی نینگ خلق ارا سیستم, عدالت و حقوققه ایشانچی نینگ هم یوق قیلینگن لیگینی بیلدیردی. 

اردوغان, "غزه ده گی حادثه لر هیچ بیر شکلده بیر اوروش ایمس, بلکه بیر قیرغین تشبثی دن عبارت.  زیرا حتی اوروش نینگ هم رعایت قیلینیشی کیره ک بولگن اخلاقی, آدابی و حقوقی بار" دییه قید ایتدی. 

خلق ارا عدالت دیوانی نینگ اسرائیل نینگ قیرغین فعالیتی نینگ آلدینی نینگ آلینیشی اوچون تدبیر قرار لری انیق ایکن, بنیامین نتنیاهو رهبریتی نینگ اشغال, ویرانگرچیلیک و قیرغین سیاست لری نی هیچ بیر نرسه گه اهمیت بیرمسدن دوام ایتدیره آله یاتگن لیگینی معلوم قیلگن اردوغان, اوز سوز لرینی, "ایلک کوندن بیری اسرائیل نی شرطسیز بیر شکلده حمایت قیلیب کیلیاتگن غربی کوچلر ایسه ایکّی یوزله مه چیلیک سیاست لری بیلن توکیلگن قان لر گه اورتاق بولماقده.  عمل بولمه گن تقدیرده قوریق سوز بیلن فلسطین ده گی ظلم نی توخته تیش و خلق ارا سیستم گه ایشانچ نی قیته تامین ایتیش ممکن ایمس.  خلق ارا جامعه نینگ, فقط گینه فلسطین دولتی نینگ قوریلیشی بیلن فلسطین خلقی گه قرضی نی توله یه آلیشی ممکن.  بونینگ اوچون میلادی 1967- ییلده گی چیگره لر گه اساساً پایتختی شرقی بیت المقدس بولگن, مستقل و جغرافی بوتونلیککه ایگه فلسطین دولتی نینگ تشکیل ایتیلیشی شرط دیر.  اوشبو مقصد بیلن, گرنتورلیک نی هم اوز ایچی گه آله دیگن شکلده مسئولیت آلیش گه تیار ایکن لیگی میزنی بیلدیردیک" دییه قید ایتدی. 

جمهوررئیس اردوغان, ینه بیر بار خلق ارا جامعه نی, غزه و فلسطین دعوا سی گه صمیمی بیر شکلده ایگه لیک قیلیش گه چقیردی.