تورکیه تشقی ایشلر وزیری قزاقستانلیک کسبداشی بیلن اوچره شدی

تورکیه جمهوریتی تشقی ایشلر وزیری خاقان فیدان, 1- و 3- مارچ کونلری آره سیده بولیب اوته دیگن 3- آنتالیا دیپلماسی ییغیلیشی آلدی دن, تورکیه نینگ آنتالیا شهریده, قزاقستان باش وزیر اورینباسری و تشقی ایشلر وزیری مراد نورتلئو بیلن اوچره شدی.

ایکّی تامانلمه سیاسی مناسبت لر حقیده سوز یوریتیلگن اوچره شووده, مدافعه صنایع سی, معارف و مدنیت ساحه لری بوییچه همکارلیک نینگ کوچه یتیریلیشی بوییچه تشله نیشی ممکن بولگن قدم لر توغریسیده هم بحث ایتیلگن لیگی بیلدیریلدی. 

اوتگن ییلده ایکله اولکه اورته سیده 10 میلیارد دالرلیک تجارت حجمی هدفی دن کوپراق تجارت بولگن لیگی بیلدیریلرایکن, تامان لرنینگ تجارت, انرژی و ترانسپورت ساحه لریده گی پروژه لر نی هم بهالنتیرگن لیک لری معلوم قیلیندی. 

تامان لرنینگ کینگ کولملی اوله راق منطقه مقیاسیده گی مسئله لر حقیده گپیرگن لیکلری معلوم قیلینرایکن, تورک دولتلری تشکیلاتی دایره سیده ینه ده کوپراق همکارلیک قیلینیشی ممکن بولگن ساحه لر نینگ کون ترتیبی گه کیلگن لیگی بیلدیریلدی.