تورکیه جمهور باشلیغی ایردوغان مهم بیانات بیردی

تورکیه جمهوریتی جمهور باشلیغی رجب طیب ایردوغان تورکیه اوزی نینگ جنوبی چیگره لریده "تروریستان" نینگ اورنه تیلیشی گه نیمه بولسه هم یول قویمس لیگینی ایتدی.

ایردوغان جمهور رئیسلیک مجتمعیده گی کابینه جلسه سی نینگ آرتیدن بیرگن بیاناتده، اقتصاد، تعلیم، ترورچیلیک که قرشی کوره ش و تشقی پولیتیکا قاله ویرسه کوپلب مهم موضوع نی کینگ روشده تیلگه آلگن لیکلرینی معلوم قیلدی.

چیگره دن تشقری اوپراسیونلر اوستیده کینگ – کولملی باش قاتیرگن لیکلرینی افاده ایتگن ایردوغان جنابلری، تورکیه نینگ "ترورچیلیک نی منبعیده یوق قیلیب تشلش" ستراتیژیسی بیلن بولووچی ترور تشکیلاتینی تار بیر ساحه گه قمره ب آلگن لیگینی بیلدیردی.

بولووچی ترور تشکیلاتی نینگ عمرینی اوزه یتیرگن اساسی سبب نینگ بعضی بیر متفقلر بیلن شمالی عراقده گی ساختارلرنینگ ترورچیلرنی قوللب – قوتلشلری ایکن لیگینی قید ایتدی.

ایردوغان "تورکیه البته کی عراق نینگ توپراق بوتونلیگی گه و حاکمیتی گه حرمت قیله دی. عراق نینگ تروریزم گه قرشی بیرگن کوره شینی صمیمی شکلده قوللب – قوتله یمیز. عراقلیک قرداشلریمیزدن هم بیز کوتگن حقلی نرسه عراق توپراقلری نینگ اولکه میزگه قره ته ترورچیلیک اوچون بیر مرکز ایتیب ایش آلیشی گه رخصت بیرمسلیگی دیر" دیب گپیردی.

ایردوغان جنابلری، ترورچیلیک نینگ یوق قیلیب تشلش نینگ عراق بیلن آلیب باریلیشی ریجه لنگن رواجلنیش یولی پروژه سی اوچون هم جوده اهمیت گه سزاوار ایکن لیگینی تاکییدله دی.

"تورکیه اوزی نینگ جنوبی چیگره لریده "تروریستان" نینگ اورنه تیلیشی گه نیمه بولسه هم یول قویمه یدی. ترور تشکیلاتی اعضالرینی قه ییرده کورسک او جایده باشینی ایزیش گه، شونده ی بولیب اولر قورگن آست قوریشلرنی یوق قیلیب تشلش گه دوام ایته میز." دیب ایتدی.