تورکیه جمهور باشلیغی ایردوغان بیرلشگن عرب امیرلیکلری و مصرگه تشریف بیوردی

تورکیه جمهوریتی جمهور باشلیغی رجب طیب ایردوغان بوگون و ایرته گه (12-13 فبروری) بیرلشگن عرب امیرلیکلریگه 14 فبروری تاریخیده ایسه مصرگه رسمی سفر اویوشتیره دی.

تورکیه جمهور رئیسلیک علاقه باشقرووی تامانیدن اوشبو تشریف گه تیگیشلی بیریلگن بیاناتده ایردوغان نینگ دبی ده اویوشتیریله دیگن جهان حکومتلر جلسه سیده فخری مهمان صفتیده سوزگه چیقه جگی، بعضی بیر یوزمه یوز اوچره شوولر اوتکزه جگی، قاهره سفریده ایسه اوزارا مناسبت نینگ رواجلنتیریلیشی و یوقاری سویه لی همکارلیک میکانیزملری نینگ جانلنتیریلیشی بوییچه آتیله دیگن آدیملر اوستیده باش قاتیریله جگی بیلدیریلدی.

اوچره شوولرده غزه و اشغال ایتیلگن فلسطین توپراقلریده یوزبیرگن اسرائیل هجوملری قاله ویرسه کون ترتیبیده گی گلوبال و منطقوی مسئله لر توغریسیده فکر المه شووی عملگه آشیریلیشی کوتیلگن لیگی معلوم قیلیندی.