ایران بیلن امریکا قوشمه ایالتلری اورته سیده گی مناسبتلر بوییچه وضعیت یخشی ایمس

تورکیه جمهوریتی تشقی ایشلر وزیری خاقان فیدان, امریکا قوشمه ایالتلری نینگ ایران حمایه سیده گی گروپ لر گه قرشی اویوشتیرگن هجوملری بیلن علاقه لی بیر سئوال گه جواب قیتردی. 

فیدان, امریکا قوشمه ایالتلری نینگ, "آلاو بیلن اوینه گن لیگینی" بیلدیررایکن, "آلاو بیلن اوینه گنینگیزده او آلاو نینگ بیر یانغین گه ایله نیشی ممکن.  کنترول دن چیقیب کیتیشی احتمالی موجود.  بیر ریسککه دوچ کیلیب قالگن وضعیتده میز.  بو کنترول آستی گه آلینه آلمس لیک مسئله سی بیر تهدید اوله راق آلدی میزده کونده لنگ بولیب تورگن وضعیتده" دییه قید ایتدی. 

تورکیه نینگ منطقه ده گی اورتاق لر و امریکا قوشمه ایالتلری بیلن دواملی روشده اوچره شیاتگن لیگینی بیلدیرگن فیدان, اوز سوز لرینی, "منطقه گه کینگ ترقه لیب کیتیشی دن اوزاق توریش کیره ک.  وضعیت یخشی ایمس.  ینه ده کینگیراق ترقه لیب کیتیشی ممکن" شکلیده دوام ایتدیردی.

امریکا قوشمه ایالتلری مدافعه وزیرلیگی تامانیدن بیریلگن بیاناتده, آلدینگی کیچه سوریه و عراقده ایران انقلاب محافظ لری اردوسی قدس کوچی گه باغلیق جنگری گروپ لر گه عاید کمیده 85 هدف نینگ هوا هجومی بیلن اوریلگن لیگی و یمن ده 13 منطقه ده 36 نقطه گه هجوم اویوشتیریلگن لیگی بیلدیریلگن ایدی.