تورکیه تشقی ایشلر وزیری تورکمنستانلیک کسبداشی بیلن سوزله شدی

تورکیه جمهوریتی تشقی ایشلر وزیری خاقان فیدان, سویدن تشقی ایشلر وزیری توبیاس بیلستروم و تورکمنستانلیک کسبداشی رشید مردوف بیلن سوزله شدی. 

دیپلماتیک منبع لر, فیدان نینگ, تلفن آرقه لی, سویدنلیک و تورکمنستانلیک کسبداش لری بیلستروم و مردوف بیلن سوزلشگن لیگینی بیلدیردی. 

فیدان و بیلستروم اورته سیده بولیب اوتگن صحبتده, سویدن نینگ ناتو اعضالیگی پروسه سی, تورکیه- سویدن- فنلاند آره سیده گی دایمی اورتاق میکانیزمی کیتیدن ییغیلیش لر بوییچه تیارگرلیک لر و تورکیه- اروپا اتفاقی مناسبت لری حقیده سوز یوریتیلدی. 

عینی دمده, فیدان بیلن مردوف اورته سیده بولیب اوتگن صحبتده, انرژی و ملکی هواچیلیک موضوع لری داخل برچه ساحه لر بوییچه تورکیه بیلن تورکمنستان آره سیده گی همکارلیک نینگ کوچه یتیریلیشی حقیده بحث قیلیندی.