تورکیه جمهور باشلیغی ایردوغان هنگری گه تشریف بیوره دی

تورکیه جمهور باشلیغی رجب طیب ایردوغان، بوگون هنگری گه تشریف بیوره دی.

ایردوغان نینگ هنگری سفری ایککی اولکه اورته سیده 1- جهان حربی نینگ آرتیدن کیسیلیب کیتگن دیپلوماتیک مناسبتلرنینگ قیته دن تیکلنیشی اوچون قول قوییلگن دوستلیک کیلیشووی نینگ 100 ییل لیگی گه توغری کیله دی.

اوشبو تشریف بیلن اوزارا سیاسی و اقتصادی مناسبتلرنینگ بهالندیریلیشی کوتیله دی.

ایردوغان، هنگری جمهور باشلیغی کاتالین نواک و باش وزیر ویکتور اوربان بیلن اوچره شوو اوتکزه دی.

اوچره شوولرده تورکیه نینگ اروپا بیرلیگی مناسبتلری قاله ویرسه غزه ده گی سونگگی وضعیت و کون ترتیبیده گی موضوعلر بیلن بیر قطارده تورکیه – هنگری اقتصادی – سیاسی مناسبتلری نینگ تیلگه آلینیشی کوتیله دی.

شونده ی بولیب یوکسک سویه لی ستراتیژیک کینگش جلسه سی هم بولیب اوته دی.

ایککی اولکه اورته سیده اقتصادی، تجاری، مدافعه صنایعی، انرژی و مدنیت ساحه لریده 16 ته بیتیم گه قول قوییلیشی کوتیله دی.