تورکیه اسرائیل نی قاره له دی

تورکیه, اسرائیل نینگ جنین مهاجر لر کمپیده گی حرمتسیزلیگی نی قتتیق قاره له دی. 

تورکیه جمهوریتی تشقی ایشلر وزیرلیگی سوزچیسی اونجو کیچه لی, ایکس آرقه لی بیرگن بیاناتیده, "جنین مهاجرلر کمپی گه باسیب کیرگن اسرائیل عسکر لری نینگ خوددی شوو ییرده گی بیر مسجد گه کیریب عبادتخانه نینگ مقدس لیگی گه قیلگن حرمتسیزلیگینی قتتیق قاره له یمیز" دییه قید ایتدی. 

یهودی ناقل لرنینگ ترورچیلیک فعالیت لری و اسرائیل خوفسیزلیک کوچلری نینگ فلسطینلیک لر گه قره تیلگن آغیر باسیم و هجوم لری سببلی بحران نینگ جوده چقور بولگن لیگینی معلوم قیلگن کیچه لی, "شرقی بیت المقدس و غربی نوارده مسلمان لرنینگ مقدساتی گه قره تیلگن هجوم لرنینگ زودلیک بیلن اداققه ییتیشتیریلیشی و فاعل لرنینگ اینگ آغیر بیر شکلده جزالنتیریلیشی نی کوتماقده میز" دییه قید ایتدی.

اسرائیل عسکر لری, غربی نوار نینگ جنین شهری گه باسیب کیررایکن, عسکر لردن بیری بیر مسجد نینگ محرابی گه چیقیب مایک نی قولیگه آلیب یهودی دعواسی نی اوقیگن ایدی. 

تصویرلرده یهودی دعواسی نینگ مسجد نینگ لادسپکر لریدن عکس ایتگن لیگی, خوددی شوو وقت نینگ اوزیده بعضی اسرائیل عسکر لری نینگ هم کولگن لیگی کورینگن ایدی. 

اوشبو تصویر لر بیلن علاقه لی اسرائیل اردوسی تامانیدن هیچ قنده ی بیر بیانات بیریلمه دی.