تورکیه حربیلری اویوشتیرگن عملیاتلر عاقبتیده اونلب تروریست جنگری تاثیرسیز وضعیت گه کیلتیریلدی

تورکیه ده و چیگره دن تشقریده آلیب باریلگن حربی عملیاتلر آرقه لی سونگگی بیر هفته ایچیده 43 ته تروریست جنگری تاثیرسیز وضعیت گه کیلتیریلدی.

تورکیه جمهوریتی ملی مدافعه وزیرلیگی مطبوعات و جماعتچیلیک بیلن علاقه لر بوییچه مصلحتچی ذکی آقتورک، وزیرلیکده گی مطبوعاطی کنفرانسیده تورکیه قوراللی کوچلری نینگ تروریزم گه قرشی کوره شی نینگ قرارلیلیک بیلن اوزلیکسیز دوام ایتیب تورگن لیگینی بیلدیردی.

آقتورک، PKK/KCK/PYD-YPG ، قاله ویرسه داعش و فتو کبی برچه ترور تشکیلاتلریگه قرشی یورت ایچی و تشقریسیده آلیب باریلگن عملیاتلر آرقه لی عراق و سوریه نینگ شمالی داخل سونگگی بیر هفته ایچیده 43 ته تروریست جنگری نینگ تاثیرسیز وضعیت گه کیلتیریلگن لیگینی تیلگه آلدی.

ذکی آقتورک، عراق نینگ شمالیده جایلشگن غارا، متینا، حاکورک و قندیل منطقه لریده گی تروریستلرنینگ آدرسلریگه قره ته 11 دسامبر تاریخیده اویوشتیریلگن هوا عملیاتلری آرقه لی ایچلریده اوزیچه مسؤللری بیلن بیر قطار تروریست جنگری بولگن مغاره، پناهگاه و دیپولردن عبارت 13 هدف نینگ یوق قیلیب تشلنگن لیگینی قید ایتدی.