جمهور باشلیغی ایردوغان: تورکیه غزه موضوعیده مسؤلیت آلیش گه تیار
ایردوغان غزه موضوعی بوییچه مهم بیانات بیردی
جمهور باشلیغی رجب طیب ایردوغان،
"تورکيه بوندن بویان قان توکیلمسلیگی، ویرانه‌گرچیلیک بولمسلیگی، کوز یاشی آقمسلیگی اوچون هر قنده‌ی مسوولیتنی آلیشگه تیاردیر". دیدی.
جمهور باشلیغی ایردوغان «ت رت ورلد فورم 2023»ده سوزگه چیقدی.
جمهور باشلیغی ایردوغان اونده، 7 - اکتوبردن بیری یقین شرقده دوام ایته یاتگن اوروش حقیده:
"تورکيه بوندن بویان قان توکیلمسلیگی، ویرانه‌گرچیلیک بولمسلیگی، کوز یاشی آقمسلیگی اوچون هر قنده‌ی مسوولیتنی آلیشگه تیاردیر. گلوبال تینچلیک و خوفسیزلیکنی تأمینلشدن مسوول بولگن خلق‌ارا تشکیلاتلرنینگ معمالرنی حل قیلیش قابلیتی یوقلیگینی بوگون ینه بیر بار توشونیب ییتدیک." دیدی.
ایردوغان:
"بوتونله‌ی تینچلیک اورنه تیشده قولدن بای بیریلگن هر لحظه نینگ بدلینی، آلاونی اوج آلدیرگن غربلیکلر ایمس، افسوسکی گناهسیز انسانلر توله ماقده" دییه گپیردی.
"غزاده 70 نفردن آرتیق مطبوعان منسوبی هلاک بولدی. دنیا قه‌ییرده، قنی دنیا نینگ مشهور مطبوعات ارگانلری؟ نیمه اوچون جیمجیرتلر؟ گلوبال میدیا – کارتیللر، غزه ده‌گی وحشيلیکنی کورمسلیککه آلیشگه، حماس بهانه‌سی بیلن ژورنالیستلرنی نشانگه آلگن قتل عامنی قانونيلشتیریشگه حرکت قیلماقده‌لر". دیگن جمهور باشلیغی،
"حاضرده اناطولی آژانسیدن بیر شهیدیمیز بار. شو ییرده کوریب تور گنینگیزدیک یره دار، غازي کامره مینیمیز بار. قه ییرده؟ غزه ده؟ هر کونی بیر ژورنالیست قتل ایتیلماقده اما بیزگه اوزاق وقتدن بیری مطبوعات ایرکینلیگی حقیده گپیرگن تشکیلاتلرنینگ هیچ قَیسینیسی نینگ آوازی چیقمه‌یپدی" دیگن افاده‌لرگه ا‌ورین بیردی.
ایردوغان:
"برچه وحشيلیگیگه قره‌مه‌ی، غزه لیکلر نینگ قرشیلیک کورسه تیشده‌گی قراریگه مانعلیک قیله آلمه‌گن اسرائیل، مطبوعات واسطه لریده‌گی تبلیغات کوره‌شیده هم مغلوب بولماقده. هر قنده‌ی خوفگه قره‌مه‌ی غزه بیلن دنیا اورته سیده مهم علاقه اورنه تگن ت رت، اناطولی آژانسی و باشقه میدیا تشکیلاتلریمیزنی تبریکله یمن. ت رت، ساکن سیسلرنی ایشیتتیریش و واقعه لرنی کوپ قیرّه‌لی آچیب بیریش وظیفه‌سینی مناسب طرزده بجرماقده". دییه گپیردی.
جمهور باشلیغی ایردوغان،
"(نیتا‌نیا‌هو و اونینگ طرفدارلری) بولر تروریزم نینگ قاغیرچاغی صفتیده تروریستدیر و لاحی سودیده مطلقا محاکمه بوله دیلر". دییه گپیردی.
ایردوغان،
"اسرائیل ظالملیگی نینگ آلدینی آلمه‌گودیک بولسه‌ک، دنیا نینگ هیچ قَیسی نقطه‌سیده هیچ کیم اوزینی خوفسیز حس قیله آلمه‌یدی. چونکه پنداره قوتیسی بیر مرته آچیلدی". دییه گپیردی.
