تورکیه نینگ فلسطین خلقی گه یاردم لری دوام ایته دی

تورکیه جمهوریتی ایچکی ایشلر وزیری علی ییرلی قایه, تاریخ صفحه لری گه قیرغین و کتته بیر وحشت اوله راق ثبت ایتیله دیگن غزه اشغالی نینگ توخته تیلیشی اوچون سعی و حرکت لر بیلن بیر قطارده, فلسطین خلقی گه یاردم یوباریش گه هم  دوام ایته دیگن لیک لرینی بیلدیردی. 

ییرلی قایه, اجتماعی ترماق آرقه لی بیرگن بیاناتیده, تورکیه نینگ 13- اوکتوبر بیلن 22- نوامبر کون لری آره سیده 12 اوچاق و 2 کیمه بیلن فلسطین گه بشری یاردم یوبارگن لیگینی معلوم قیلدی. 

ییرلی قایه, 63 پرسونل بیلن ییتیشتیریلگن یاردم لر آره سیده, 8 صحرا کسلخانه سی, 26 امبولانس, 215 طبی مواد, 2 طبی قوتقریش موتری, بیر اسکواتر, 510 مینگ کارتن غذایی مواد, 234 تن ایچیله دیگن سوو, 18 مینگ 860 کمپل, 7 مینگ 400 سیار بستره, 250 خیمه, 50 مینگ لباس, 300 چپرکت, 896 جنراتور و 70 مینگ 660 تمیزلیک سیتی نینگ موجود ایکن لیگینی بیلدیردی. 

عینی دمده تورکیه نینگ مرسین بندری ده بسته کار دیب ناملنگن ینه بیر کیمه نینگ یوکله نیش ایش لری نینگ تکمیل بولگن لیگینی بیلدیرگن ییرلی قایه, اوشبو کیمه نینگ فلسطین خلقی بیلن خلق ارا همکارلیک کونیده تورکیه ساعتی بیلن ساعت 12.30 ده مصر گه حرکت قیلگن لیگی و بوگون الاریش بندری ده بولیشی نینگ کوتیلیاتگن لیگینی ایسله تیب اوتدی.