آسیا پارلمانلر بیرلیگی فلسطین خلقی بیلن بیردملیک ایچیده ایکن لیگینی بیلدیردی
موضوع بوییچه تورکیه بویوک ملت مجلس باشلیغی و آسیا پارلمانتر بیرلیگی دور باشلیغی نعمان قورتولمیش بیانات بیردی
تورکیه بویوک ملت مجلس باشلیغی نعمان قورتولمیش،
"تورکیه اوله راق غربی نوارده بولسین غزه ده بولسین برچه فلسطین خلقی بیلن بیردملیک - همکارلیک ایچیده ایکن لیگیمیزنی تاکییدله یمن" دیدی.
تورکیه بویوک ملت مجلس باشلیغی و آسیا پارلمانتر بیرلیگی دور باشلیغی نعمان قورتولمیش تورکیه بویوک ملت مجلسی نینگ میزبانلیگیده انتالیاده اویوشتیریلگن اجرا کینگشی جلسه سی نینگ آچیلیشیده سوزگه چیقدی.
مجلس باشلیغی نعمان قورتولمیش غزه ده قیرغین قیلگنلرنینگ جزاسینی ترته جگینی معلوم قیلیب،
"خوددی سربرنیتسا قیرغینی گه قول اورگن قاتللر خلق ارا جرملیلر سودیگه تارتیلگن بولسه ناتانیاهو بیلن گروهی هم خلق ارا اوروش جرملری سودیگه کیسکین اوله راق تارتیلیشی کیره ک دیر. شو اوچون ایسه خلق ارا همجمعیت تورلی تیارگیرلیک کوریشی کیره ک و شونده ی بولیب فلسطین خلقی بیلن همکارلیک ایچیده بولیشی کیره ک." دیب گپیردی.
ایککی کون کیین فلسطین خلقی بیلن خلق ارا همکارلیک کونی ایکن لیگینی معلوم قیلگن قورتولمیش جنابلری شولرنی ایتدی:
"29 نوامبر دنیا مقیاسیده فلسطین خلقی بیلن همکارلیک کونیدن عبارت دیر. بیز هم و آسیا پارلمانتر بیرلیگی مجلسلری اوله راق فلسطین بیلن همکارلیگیمیزنی، فلسطین خلقی بیلن بیرگه لیکده برابر ایکن لیگیمیزنی انتالیادن دنیاگه اعلان قیلیش کبی بیر مسؤلیتیمیز بارلیگینی ایته من. شونده ی بولیب تورکیه اوله راق غربی نوارده بولسین غزه ده بولسین برچه فلسطین خلقی بیلن همکارلیک ایچیده ایکن لیگیمیزنی و فلسطین خلقی نینگ بو مشروع مدافعه سینی سونگگی گچه قوللب – قوتلشیمیزنی تاکییدله یمیز. آسیا پارلمانتر بیرلیگی اجرا کینگشی جلسه سیده ینه بیر مرته ایته من."
