اولوغ رهبر آتاتورک ایسلنماقده

بوگون اولوغ رهبر مصطفی کمال آتاتورک نینگ وفاتی نینگ 85 ییللیگی...

جوده یوقاری حربی و سیاسی قابلیت لری بیلن اوز آتی نی تاریخ صحفه لریگه آلتین حرفلر بیلن یازدیرگن مصطفی کمال آتاتورک, میلادی 1938- ییل 10- نوامبر کونی استانبولده گی دولمه باغچه قصریده ایرته لب ساعت 09.05 ده عالمدن اوتدی. 

تورکیه جمهوریتی نینگ اساسچیسی مصطفی کمال آتاتورک, وفاتی نینگ 85 ییللیگیده تورکیه, شمالی قبرس تورک جمهوریتی و چیت ایللرده گی نماینده لیک لرده مراسم لر بیلن یاد ایتیلماقده.

تورکیه پارلمانی نینگ باشلیغی نعمان قورتولموش, پایتخت انقره ده آتاتورک نینگ دفن ایتیلگن آنت قبر ده بولیب اوته دیگن رسمی مراسم بیلن جمهوررئیسلیک مجتمع سیده بولیب اوته دیگن ایسلش مراسمیده اشتراک قیله دی. 

قورتولموش, تورکیه جمهوریتی نینگ اساسچیسی مصطفی کمال آتاتورک, وفاتی نینگ 85 ییللیگی مناسبتی بیلن اجتماعی ترماق آرقه لی پیام ترقه تدی. 

قورتولموش اوشبو پیامیده, "تورکیه پارلمانی نینگ ایلک باشلیغی, جمهوریتی میز نینگ اساسچیسی غازی مصطفی کمال آتاتورک نی وفاتی نینگ 85 ییللیگیده حرمت بیلن ایسله ماقده میز.  روحی شاد بولسین.  عزیز وطنی اوچون جان لرینی فدا قیلگن برچه شهید لری میز نینگ, وفات ایتگن غازی لری میز نینگ مقام لری عالی و جای لری جنت بولسین" دییه قید ایتدی. 

تورکیه جمهوریتی دیانت ایشلری باشقرمه سی هم 10- نوامبر آتاتورک نی ایسلش کونی مناسبتی بیلن ترقه تگن پیامیده, قوریلگن لیگی گه 100 تولگن جمهوریتی میز نینگ اساسچیسی غازی مصطفی کمال آتاتورک نینگ وفاتی نینگ 85 ییللیگی نینگ حرمت و منتدارلیک بیلن ایسله نیاتگن لیگی معلوم قیلیندی.

اوشبو پیامده, "کتته فداکارلیک لر بیلن بیزلرگه امانت قیلینگن جنت وطنی میز و ارزش لری میز نی کوچه یتیریب کیله جککه انتقال ایتدیریشنی, قهرمان اجدادی میز و شانلی تاریخی میز گه قرشی بیر مسئولیت دیب بیله میز.  فخرلی بیر اوتمیشی میز نینگ اولاد لری صفتیده و حاضرگی کونده گی مسئولیتی میز, مدنیت ارزش لری میز نی قیته قوریش, دولتی میز نینگ دوامی و ملتی میز نینگ رفاهی اوچون اینگ یخشی بیر شکلده ایشلب اجدادی میز نینگ پاک میراثی نی کیله جککه ییتکزیب بیریش دن عبارت" دییه قید ایتیلدی.