TRT باشلیغی سوباجی آسیا تنیچ اوقیانوس رادیو ایشیتتیریشلر اتفاقی باشلیغی ایتیب سیلندی

تورکیه رادیو تلویزیون باشقرووی باشلیغی محمد زاهد سوباجی آسیا تنیچ اوقیانوس رادیو ایشیتتیریشلر اتفاقی باشلیغی ایتیب سیلندی.

قریب 3.5 ملیارد تماشاچیسی گه ییتگن و 65 اولکه دن 246 اعضاسی بیلن دنیا مقیاسیده اینگ بویوک یایین باشقرووی بولمیش آسیا تنیچ اوقیانوس رادیو ایشیتتیریشلر اتفاقی نینگ (ABU) 60 – کنگره سی جنوبی کوریا یایین باشقرووی نینگ (KBS) نینگ میزبانلیگیده 31 اکتوبر – 1 نوامبر تاریخلریده سیئول ده بولیب اوتدی.

اوشبو کنگره ده تورکیه رادیو تلویزیون باشقرووی باشلیغی محمد زاهد سوباجی آسیا تنیچ اوقیانوس رادیو ایشیتتیریشلر اتفاقی باشلیغی ایتیب سیلندی.

زاهد سوباجی دنیا مقیاسیده اینگ بویوک یایین باشقرووی بولمیش آسیا تنیچ اوقیانوس رادیو ایشیتتیریشلر اتفاقی نینگ (ABU) باشلیغی ایتیب سیلنیشی نینگ تورکیه نینگ تورلی ساحه ده رهبر اولکه بولیش هدفی اوچون اهمیتی گه دقت تارتدی.

سوباجی جنابلری آسیا تنیچ اوقیانوس رادیو ایشیتتیریشلر اتفاقی نینگ (ABU) رئیسلیگی نینگ تورکیه گه بیریلیشینی، تورکیه نینگ رواجلنیشی نینگ بیر آدیمی ایتیب بهالندیرگن لیگینی معلوم قیلدی.

" دنیا مقیاسیده اینگ بویوک یایین باشقرووی بولمیش آسیا تنیچ اوقیانوس رادیو ایشیتتیریشلر اتفاقی (ABU) رئیسلیگی نینگ جمهوریت نینگ 100 – ییلی گه برابر کیلیشی بیزنی خرسند قیلدی. بو ملت قیسی شرطلرده بولسه ده امکانیتلری قنچه محدود بولسه ده کوره شدن واز کیچمه گن و هدفلرینی دایم عملی قیلگن دیر. شونده بولیب دنیا مقیاسیده اینگ بویوک یایین اتفاقی یراتگن امکانیت و ظرفیت نی هم بو مقصدلرگه کوره ایش گه تشلب بو جریاننی کوچلیراق آلیب باریش گه باش قاتیرماقده من." دیدی.