اردوغان: اسرائیل نی حربی جنایتچی دیب اعلان قیله میز

تورکیه جمهوریتی جمهوررئیسی رجب طیب اردوغان, اسرائیل نینگ 3 هفته دن بیری بمباردمان قیلیاتگن غزه نواریده گی حادثه لر بوییچه عکس العمل کورستمه گن غربی اولکه لرنی, "اوکراینده اولگن کیشی لر اوچون ییغله دینگیز. نیمه اوچون غزه ده گی باله لر اوچون سیسینگیز چیقمه یدی" شکلیده گی سوزلری بیلن تنقید ایتدی. 

جمهوررئیس اردوغان, استانبولده بولیب اوتگن فلسطین میتینگیده معروضه قیلدی. 

ایرته گه تورکیه جمهوریتی نینگ قوریلگن لیگی نینگ 100 ییل لیگی نی قیزغین کوتیب آله دیگن لیک لری, بوگون ایسه غزه اوچون یوره ک لرنینگ درد لری نی دنیا گه بیلدیره دیگن لیک لرینی معلوم قیلگن اردوغان, "قولی میز ییتگن هر ییرده یوره ک لری و کوز لرینی بیزگه اوگیرگن قرداش لری میز نینگ درد لری حقید گپیرگنی میزدیک, غزه اوچون هم حرکت قیلماقده میز" دییه قید ایتدی. 

قیریم دن قره باغگه, بوسنیا دن کرکوککه, فلسطین دن تورکستان گه, افغانستان دن چنچنیا گه قدر کوپلب جغرافیه لر اوچون ییغله گن لیک لرینی بیلدیرگن اردوغان, اوز سوز لرینی, "بیز بو ییرده فقط گینه غزه ده گی حادثه لر نی تلعین قیلمه یمیز, عینی دمده اوز استقلالی میز و کیله جگی میز نی هم مدافعه قیلماقده میز"  شکلیده دوام ایتدیردی. 

فلسطین مقاومت حرکتی دن عبارت حماس نینگ ترور تشکیلاتی ایمس لیگینی ینه بیر بار تکرارلب اوتگن جمهوررئیس اردوغان, اوشبو سوزلردن راحت سیز بولگن لیگینی ایسلتگن اسرائیل گه "میلادی 1947- ییلده غزه, فلسطین قنده ی ایدی, بوگون قنده ی بولگن وضعیتده؟ اسرائیل سین بو ییرلر گه قنده ی قیلیب کیلدینگ؟ قنده ی کیردینگ؟ سین بیر اشغالچی سین.  سین بیر تشکیلات سین" شکلیده عکس العمل کورستدی. 

توناون اوکراین- روسیه اوروشیده اولگن کیشی لر اوچون تمساح کبی ییغله گنلرنینگ, بوگون (غزه ده) مینگلب معصوم باله نینگ اولیمی گه عکس العمل کورستمه گن لیگی گه دقت قره تگن اردوغان, " اوکراینده اولگن کیشی لر اوچون ییغله دینگیز. نیمه اوچون غزه ده گی باله لر اوچون سیسینگیز چیقمه یدی" دییه قید ایتدی. 

اردوغان, "همه بیله دی که وقتی کیلگنده اسرائیل فقط گینه فدا قیلینه دیگن بیر اوینچاق دن عبارت" دیدی.

اسرائیل تامانیدن قیلینیاتگن قیرغین لرنی حمایت قیلیاتگن غرب دنیا سی گه قره تیلگن گپلرینی اردوغان, "ای غرب سیز گه ایته من.  ینه بیر هلال- صلیبیون کوره شی باشلتماقچی میسیز؟ بونده ی بیر هدفینگیز بولیشی تقدیرده, بیلینگ که بو ملت تیریک" شکلیده دوام ایتدیردی. 

غرب دنیا سی نینگ سیاستچی لری و مطبوعاتی نینگ اسرائیل نینگ غزه ده معصوم باله لر و عیال لر نی اولدیریشی نی مشروع لشتیریش اوچون سعی و حرکت قیلیاتگن لیگینی بیلدیرگن جمهوررئیس اردوغان, اسرائیل نینگ انیق اوروش جرمی گه مرتکب بولیاتگن لیگینی معلوم قیلدی. 

اسرائیل نی اوروش مجرمی اعلان قیله دیگن لیک لرینی معلوم قیلگن اردوغان, "اوشبو توغریده تیارگرلیک اوتکزماقده میز. و اسرائیل نی اوروش مجرمی اوله راق دنیا گه تانیته میز" دییه قید ایتدی. 

اسرائیل نینگ 7- اوکتوبر دن بیری غزه گه قره ته توختاوسیز دوام ایتدیریاتگن هجوملریده, کوپچیلیگی باله لر و عیال لردن عبارت 7 مینگ دن آرتیق فلسطینلیک حیاتینی یوقاتدی.