تورکیه اسرائیل نینگ غزه ده کسلخانه نی بمباردمان قیلگن لیگینی قتتیق قاره له دی
اوشبو توغریده تورکیه جمهوریتی تشقی ایشلر وزیرلیگی تامانیدن یازمه بیانات بیریلدی
تورکیه, اسرائیل نینگ غزه ده الاهلی الباپیست کسلخانه سینی وحشیانه بیر شکلده بمباردمان قیلگن لیگینی بیلدیریب اوشبو حادثه نی قتتیق قاره له گن لیگینی معلوم قیلدی.
تورکیه جمهوریتی تشقی ایشلر وزیرلیگی, اسرائیل نینگ غزه ده گی کسلخانه گه قره تیلگن هجومی بیلن علاقه لی یازمه بیانات بیردی.
بیاناتده, غزه ده بیر کسلخانه نینگ بمباردمان قیلینیشی عاقبتیده یوزلب کیشی نینگ حیاتینی یوقاتگن لیگی و یره لنگن لیگی نینگ چقور قیغوگه سبب بولگن لیگی بیلدیریلرایکن, "اوشبو وحشیانه هجوملر نی قتتیق قاره له یمیز. هجوملرده حیاتینی یوقاتگن فلسطینلیک قرداش لری میز گه الله تعالی دن رحمت و یره لنگن لر گه ایسه عاجل شفا تیلب قاله میز. عادی اهالی نی بیواسطه هدف قیلیب آلگن, کسلخانه لر و مکتب لرنی اورگن بیر ذهنیت نینگ خلق ارا حقوق آلدیده و وجدان لرده حساب بیریشی وازکیچیله آلمه یدیگن بیر نرسه دن عبارت" دییه قید ایتیلدی.
اسرائیل نینگ الاهلی الباپیست کسلخانه سینی بمباردمان قیلیشی عاقبتیده آلینگن دستلبکی معلومات لر گه کوره 500 کیشی نینگ حیاتینی یوقاتگن لیگی بیلدیریلدی.
حیاتینی یوقاتگن لرنینگ کوپچیلیگی نینگ چقه لاق, باله و عیال ایکن لیگی بیلدیریلماقده.
فلسطین دولت رهبری محمود عباس , اوشبو حادثه آرتیدن اوچ کونلیک ملی ماتم اعلان قیلدی.
