ایردوغان بیلن سوناک اوزارا سوزلشوو اوتکزدی

تورکیه جمهور باشلیغی رجب طیب ایردوغان بیلن انگلستان باش وزیری ریشی سوناک تیلفون آرقه لی سوزلشوو اوتکزدی.

تورکیه جمهوریتی جمهور رئیسلیک علاقه باشقرووی نینگ اجتماعی ترماقده گی آدرسی آرقه لی بیریلگن بیاناتده خوددی شو سوزلشووده اسرائیل – فلسطین اورته سیده گی توقنه شوو کیلگن جریان، منطقه ده تینچلیک نینگ اورنه تیلیشی اوچون آلیب باریله دیگن سیاست و آغیر انسانی بحران گه ییچیم اوچون آلینه دیگن چاره – تدبیر و آدیملرنینگ تیلگه آلینگن لیگی بیلدیریلدی.

تورکیه جمهور باشلیغی ایردوغان اوشبو سوزلشووده تورکیه نینگ غزه ده گی انسان حقلری اخلال لریگه قرشی غربی اولکه لر قاله ویرسه خلق ارا همجمعیت نینگ کوچلی فعالیتلر قیلیشی کیره ک لیگینی، بحران نی کوچه یتیرووچی آدیملر اورنیگه اوزاق ییللردن بیری فلسطین گه بیریلگن وعده لرنی توتیلمه گن لیگینی ایسله تیلیشی و بجا کیلتیریلیشی نینگ اهمیت گه سزاوار ایکن لیگینی معلوم قیلگن.

حماس نینگ حربی ترماغی قسام کوچلری شنبه کونی اسرائیل گه قره ته «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

یوزبیرگن خوددی شو بحرانده ایککی تاماندن مینگلب تلفات بار.