جمهور باشلیغی ایردوغان: اولکه میزگه بیرگن وعده لرنی بجا کیلتیره میز

تورکیه جمهور باشلیغی رجب طیب ایردوغان مرفه راق، اعتبارلی، کوچلی و حضورلی بیر تورکیه قوروب ملت گه بیرگن وعده لرنی بجا کیلتیره جکلرینی ایتدی.

ایردوغان ییتکچیسی بولگن عدالت و ترقیات حزبی تامانیدن پایتخت انقره ده اویوشتیریلگن 22- قورولیش ییل لیگی پروگرامیده سوزگه چیقدی.

  22 ییللیک اقتداری دوریده تورکیه ده کوپراق دموکراسی، کوپراق ایرکینلیکلر، کوپراق اقتصادی رواجلنیش بولگن ینگی بیر باسقیچ باشله گن لیگینی معلوم قیلدی.

ایردوغان "تعلیم، ساغلیک، عدالت، خوفسیزلیک، ترانسپورت، صنایع، اقتصاد، زراعت قاله ویرسه حیات نینگ برچه ساحه سیده بیزدن آلدین بولگن خذمتلردن قتلم قتلم کوپراغینی بیز اقتداریمیز پیتیده قیلیش گه موفق بولدیک" دیدی.

یاشلرگه وعده قیلگن تورکیه عصرینی بنا قیلیش گه قرارلی ایکن لیکلرینی، تورکیه جمهوریتی نینگ قورولیشی نینگ 100 – ییلیده (2023) اولکه گه مودرن دموکراسی، مودرن اقتصاد و مودرن کیلجک نینگ یره شگن لیگی گه ایشانگن لیکلرینی تاکییدله گن ایردوغان جنابلری،

"جمهور رئیسلیگیمیزنینگ تجربه لی دوریده انشالله هر جهتدن مرفه راق، اعتبارلی، کوچلی و حضورلی بیر تورکیه قوروب ملت گه بیرگن وعده لرنی بجا کیلتیره میز." دیدی.