تورکیه مدافعه وزیری اوکراینلیک کسبداشی بیلن سوزله شدی

تورکیه جمهوریتی ملی مدافعه وزیری یاشر گولر, تلفن آرقه لی, اوکراین مدافعه وزیری اولیکسی رزنیکوف بیلن سوزله شدی. 

وزیرلیک تامانیدن بیریلگن بیاناتده, اوشبو صحبتده, رزنیکوف نینگ, ینگی وظیفه سی سببلی گولر گه تبریک بیلدیررایکن, ایشلریده موفقیت لر تیلب قالگن لیگی بیلدیریلدی. 

قاره دینگیز آرقه لی حبوبات نینگ جهان بازار لری گه انتقال ایتدیریلیشی بیلن علاقه لی هم بحث ایتیلگن صحبتده گولر, خلق ارا مقیاسده غذایی مواد معما سی نینگ ییچیلیشی گه کتته حصه قوشیاتگن و برچه انسان لر اوچون فایده لی بولگن اوشبو پروسه نینگ اوزلوکسیز دوام ایتیشی نینگ مهم ایکن لیگینی معلوم قیلدی.

صحبتده, گولر, تورکیه نینگ, حبوبات کیلیشووی نینگ 17- جولای کونی اداققه ییته دیگن مدتی نینگ تمدید ایتیلیشی و منطقه ده تینچلیک نینگ اورنه تیلیشی اوچون آلدین بولگن لیگی دیک بوندن کیین هم قولیدن کیله دیگن برچه سعی و حرکت لر نی قیله دیگن لیگینی بیلدیردی.