تورکیه تشقی ایشلر وزیری چاووش اوغلی افغانستانلیک مهاجرلر حقیده گپیردی

تورکیه جمهوریتی تشقی ایشلر وزیری مولود چاووش اوغلی, تلویزیون آرقه لی بیرگن بیاناتیده کون ترتیبی ده گی مسئله لرنی بهالنتیردی. 

چاووش اوغلی, سوریه ده گی ایچکی اوروش و افغانستانده گی وضعیت سببلی تورکیه گه قاچاق مهاجرلرنینگ کیلگن لیگینی بیلدیردی.

مولود چاووش اوغلی, کوپلب افغانستانلیک مهاجر نینگ اولکه سی گه قیتریب یوباریلگن لیگینی معلوم قیلدی.

چاووش اوغلی, سوریه لیک مهاجر لرنینگ اولکه لریگه قیتریب یوباریلیشی اوچون منطقه نینگ تروریزم دن تصفیه ایتیلیشی کیره ک ایکن لیگینی معلوم قیلرایکن, بشار الاسد بیلن همکارلیک قیلینمسدن اوشبو مهاجر لرنینگ عودتی نینگ توغری بولمه یدیگن لیگینی بیلدیردی. 

550 مینگ نفر سوریه لیک مهاجر نینگ هم اولکه سی گه یوباریلگن لیگینی معلوم قیلگن چاووش اوغلی, اوشبو رقم نینگ ییترلی ایمس لیگینی بیلدیررایکن, ینه ده کوپراق مهاجر نینگ اولکه سی گه یوباریله دیگن لیگینی ایسله تیب اوتدی. 

چاووش اوغلی, "فقط گینه امنیت منطقه لر گه ایمس, رژیم نینگ حاکمیتی آستیده گی منطقه لر گه هم یوباریشی میز کیره ک. یعنی قیسی شهردن کیلگن بولسه اوشه شهر گه یوباریشی میز ضروری. اولر نی یوباریش گه قرارلی میز.  لیکن یخشی بیر شرایطده یوباریشی میز کیره ک" دییه قید ایتدی.

چاووش اوغلی اوز سوزلرینی, "(سوریه لیک مهاجرلرنینگ) همه سی نی یوباره میز دیسک هم توغری بولمه یدی.  حاضرگی کونده تورکیه نینگ ایکینچیلیک, صنایع و باشقه ساحه لرده استخدام گه ضرورتی بولگن لیگینی کورماقده میز" شکلیده دوام ایتدیردی.