ایردوغان قاره دینگیز حبوبات و غله کوریدوری کیلیشووی نینگ اوزه یتیریلگن لیگینی بیلدیردی
اوشبو موضوع توغریسیده تورکیه، روسیه، اوکراین و بیرلشگن ملتلر تشکیلاتی هیئاتلری اورته سیده اوچره شوولر بولیب اوتدی
تورکیه جمهور باشلیغی رجب طیب ایردوغان قاره دینگیز حبوبات و غله کوریدوری کیلیشووی نینگ ینه 2 آی اوزه یتیریلگن لیگینی بیلدیردی.
جمهور باشلیغی عدالت و ترقایت حزبی رهبری ایردوغان پایتخت انقره ده حزبی نینگ مرکزیده مطبوعاتی کنفرانس اویوشتیردی.
ایردوغان
"تورکیه نینگ باشچیلیگی روسیه بیلن اوکراین نینگ صمیمی یانداشوولری، بیرلشگن ملتلر تشکیلاتی نینگ آسانلشتیرووچیلیگی بیلن 2022 ییلی 22 جولای تاریخیده قول قوییلگن کیلیشوو، نیچه مرته اوزه یتیریلگن دیر. اوزه یتیریلگن سونگگی کیلیشوونینگ مدتی گه کم قالگندی. اولکه میزنینگ اورونیشلری، روس دوستلریمیزنینگ همکارلیگی و اوکراینلیک دوستلریمیزنینگ حصه قوشیشلری بیلن قاره دینگیز حبوبات و غله کوریدوری کیلیشووی نینگ ینه 2 آی اوزه یتیریلیشی قراری قبول قیلیب آلیندی." دیدی.
جمهور باشلیغی ایردوغان،
"گلوبال آذیق – اوقات زنجیری نینگ توخته مه ی دوام ایتیشی، اینیقسه احتیاجی بولگن اولکه لرگه حبوبات و غله ییتکیزیلیشینی آسانلشتیریلیشی جهتیدن حیاتی اهمیت گه سزاوار بولگن بو قرارنینگ برچه تامانلرگه مبارک بولسین دییمن. کیلیشوونینگ برچه شرطلری بجا کیلتیریلیب بوندن کیینگی جریانده هم دوام ایتیشی بوییچه اورونیشلر آلیب باره میز. شونده ی بولیب روس دوستلریمیز، میکولایف و اولیفیا بندرلریده گی تورک کیمه لری نینگ هم چیقیشی گه توسیق بولمسلیکلرینی بیلدیردیلر. بو اوچون هم اولردن منتدارمیز." دیب ایتدی.
