سودان ده تورکیه بویوک ایلچی لیگی توقنه شوولر اورته سیده قالدی
موضوع بوییچه تشقی ایشلر وزیری بیانات بیردی
سودان ده توقنه شوولرنینگ اورته سیده قالگن تورکیه بویوک ایلچیلیگی نینگ بناسی ایرته لب آلیب باریلگن بیر اوپراسیون بیلن تخلیه قیلیندی. ایلچیلیک پرسونلی ایسه بویوک ایلچیلیک عایله اویلریگه انتقال بیریلدی.
اوشبو موضوع بوییچه تورکیه جمهوریتی تشقی ایشلر وزیری مولود چاووش اوغلی انتالیا ولایتیده بیانات بیردی.
چاووش اوغلی،
"سودان حاکمیت کینگشی باشلیغی و اردو قومندانی جنرال عبدالفتاح البرهان و اردونینگ هم همکارلیگی بیلن بویوک ایلچیلیگیمیز ملازملری، اینیقسه خوفسیزلیک منسوبلرینی بیر اوپراسیون آرقه لی بویوک ایلچیلیگیمیزدن چیقردیک. چونکه توقنه شوولر کوچه لرده یوزبیرماقده. الله تعلی هیچ بیر اولکه نی بو وضعیت گه توشیرمه سین." دیدی.
چاووش اوغلی جنابلری،
"بیز لیبیاده توازننی برقرار قیلمه گنده ایدی بوگونگی کونده طرابلس کوچه لری هم شونقه بیر وضعیتده بولردی. بو اوروش نینگ توخته تیلیشی اوچون هم اورونماقده میز." دیب ایتدی.
