تورکیه تامانیدن داعش گه قرشی آلیب باریلگن حربی عملیات حقیده پینتاگوندن بیانات بیریلدی

امریکا قوشمه ایالتلری مدافعه وزیرلیگی سوزچیسی جنرال پتریک رایدر، تورکیه ملی استخبارات تشکیلاتی (میت) تامانیدن داعش نینگ اوزیچه ییتکچیسی ابو حسین الحسینی القریشی گه قره ته آلیب باریلگن عملیات بیلن تیگیشلی سوالگه بناً تورکیه نینگ داعش گه قره ته کوره شینی تقدیر ایتگن لیکلرینی ایتدی.

امریکا قوشمه ایالتلری مدافعه وزیرلیگی سوزچیسی جنرال پتریک رایدر، تورکیه ملی استخبارات تشکیلاتی (میت) تامانیدن داعش نینگ اوزیچه ییتکچیسی ابو حسین الحسینی القریشی گه قره ته آلیب باریلگن عملیات حقیده گی سوالگه جواب بیردی.

"تورکیه نینگ داعش گه قره ته کوره شینی تقدیر ایته میز. بیلینیشیچه شمالی سوریه ده گی چیگره منطقه لریده تورک کوچلری اوتمیشده هم داعش گه قرشی کوره ش آلیب باردی. ینه داعش نینگ دایمی یوقه لیشی گه یاردمچی بولیش اوچون خلق ارا همجمعیت قیله دیگن هرنرسه جوده فایده لی دیر" دیدی.

جمهور باشلیغی رجب طیب ایردوغان 30 اپریل کونی القریشی نینگ تاثیرسیز وضعیت گه کیلتیریلگن لیگینی بیلدیرگندی.

تیز تیز جای اوزگرتیرگن لیگی تثبیت ایتیلگن "داعش نینگ اوزیچه ینگی خلیفه سی" ابو حسین الحسینی القریشی کود آتیده گی تروریست جنگری نینگ سوریه نینگ شمالیده جایلشگن عفرین / جندرس ده ایکن لیگی و یقین پیتده جای اوزگرتیریشی بوییچه استخبارات آلگن میت خاص بیر عملیات تیمی آرقه لی مذکور اویگه 29 اپریل کونی عملیات اویوشتیرگندی.

میت نینگ تسلیم بول چقیریغی گه مثبت جواب بیرمه گن داعش نینگ ییتکچیسی القریشی چاره سیز قالیب اوستیده گی منفجره مواد اورنه تیلگن کییم نی پارتله تیب یوبارگندی.

ترور تشکیلاتی داعش گه 2013 ییلی قتنشگن ابو حسین الحسینی القریشی قیسقه مدت ایچیده تشکیلاتده یوقاری مقاملرگه کیلتیریلگندی.   

ابو حسین الحسینی القریشی داعش نینگ سابق ییتکچیسی ابو حسن القریشی نینگ اولدیریلیشی نینگ آرتیدن 2022 ییلی 30 نوامبرده اوزیچه ینگی خلیفه ایتیب اعلان قیلینگندی.