اردوغان: تورکیه تامانیدن اویوشتیریلگن عملیاتده سوریه ده داعش نینگ سوزده رهبری یوق قیلیندی

تورکیه جمهوریتی جمهوررئیسی رجب طیب اردوغان, تورکیه ملی استخبارات اداره سی نینگ عملیاتی نتیجه سیده, داعش نینگ ابو حسین القریشی لقبلی سوزده رهبری نینگ سوریه یوق قیلینگن لیگینی بیلدیردی. 

جمهوررئیس اردوغان تلویزیون آرقه لی بیریلگن سئوال لر گه جواب قیتردی و ایریم بیانات لر بیردی.

اردوغان, تورکیه نینگ ایچی و تشقریسیده اویوشتیریلیاتگن عملیات لر نتیجه سیده ترورچیلرنینگ جوده یمان وضعیتده ایکن لیکلرینی بیلدیردی. 

جمهوررئیس اردوغان, تورکیه نینگ اوشبو عملیاتلری نینگ اوروپا نینگ خوفسیزلیگی گه هم حصه قوشگن لیگینی بیلدیررایکن, ناتو ایچیده ترور تشکیلات لری داعش, پ.ک.ک/وای پی جی و فتو گه قرشی اینگ موثر بیر شکلده کوره ش آلیب باریاتگن اولکه نینگ تورکیه ایکن لیگی نی معلوم قیلدی.

اردوغان, سونگّی ییللرده ترور تشکیلاتی پ.ک.ک نینگ عراق و سوریه ده فعالیت یوریتیاتگن کوپلب سوزده ییتکچی لری نینگ تورکیه استخبارات اداره سی تامانیدن اویوشتیریلگن عملیات نتیجه سیده یوق قیلینگن لیگینی بیلدیررایکن, فتو نینگ چیت ایللرده گی آدم لری نینگ هم بعضی لری نینگ تورکیه گه کیتیریلگن لیگینی ایسله تیب اوتدی. 

تورکیه جمهوریتی ملی استخبارات اداره سی تامانیدن اویوشتیریلگن عملیات نتیجه سیده ترور تشکیلاتی داعش نینگ ابو حسین القریشی لقبلی سوزده رهبری نینگ 29 – اپریلده سوریه ده یوق قیلینگن لیگینی بیلدیرگن اردوغان, "بوندن کیین هم  برچه ترور تشکیلات لری گه قرشی کوره شی میز دوام ایته دی" دییه قید ایتدی.