تورکیه ده توریزم عایدی کوپه ییب بارماقده

تورکیه نینگ توریزم عایدی جاری ییل نینگ ایلک چاره گیده اوتگن ییل نینگ خوددی شو باسقیچی گه کوره 32،3 فایز کوپه ییب 8 میلیارد 690 میلیون 505 مینگ دالرگه ییتدی.

تورکیه استاتستیک باشقرمه سی جاری ییل نینگ جنوری – مارچ آیلری بیلن تیگیشلی توریزم بوییچه راپور ترقه تدی.

توریزم عایدی نینگ 20،8 فایزی چیت ایلده حیات کیچیره یاتگن تورک وطنداشلریدن قولگه کیلگن لیگی بیلدیریلدی.

اولکه دن چیقیش قیلگن سیاح سانی جاری ییل نینگ بیرینچی چاره گیده اوتگن ییل نینگ خوددی شو باسقیچی گه کوره 26،8 فایز کوپه ییب 8 میلیون 181 مینگ 566 نفرگه ییتدی.

سیاحلرنینگ 20،4 فایزی 1 میلیون 672 مینگ 332 کیشی بیلن چیت ایلده حیات کیچیره یاتگن تورک وطنداشلریدن تشکیل تاپماقده.

تورکیه دن چیقیش قیلگن سیاحلرنینگ بیر کیچه لیگی اورته چه 84 دالردن عبارت ایکن لیگی معلوم قیلیندی.