تورکیه دینگیز ساحه سیده تجاری بیر کیمه سووگه باتیب کیتدی

تورکیه نینگ انتالیا ولایتی دینگیز ساحه سیده بیر تجاری کیمه سووگه باتیب کیتدی. عاقبتده 5 پرسونل قوتقریب آلیندی بیراق 9 پرسونل اوچون قیدیروو و قوتقروو اورونیشلری باشله تیلدی.

انتالیا ولایتی قوملیچه دینگیز ساحه سیده خارجی بیراقلی بیر کیمه نینگ سووگه باتیب کیتگن لیگی خبریگه بناً منطقه قیرغاق خوفسیزلیک کوچلریگه باغلیق قیدیروو و قوتقروو گروهی سوق ایتیلگن.

انتالیا والیسی ایرسین یازیجی کیمه نینگ ایچیده گی 14 نفر سوریه تبعه سی پرسونل نینگ 2 ته سی نینگ قیرغاق خوفسیزلیک کوچلری تیک اوچری آرقه لی قوتقریب آلینگن لیگینی و فینیکه تومنی کسلخانه سیگه ییتکیزیلگن لیگینی بیلدیردی.

یازیجی ینه 3 ته پرسونل نینگ ایریم تجاری کیمه لر تامانیدن قوتقریب آلینگن لیگینی معلوم قیلیب 9 نفر پرسونل اوچون قیدیروو و قوتقروو اورونیشلری نینگ دوام ایتیب تورگن لیگینی قید ایتدی.

گینه بیسو بیراقلی تجاری کیمه نینگ تورکیه نینگ اسکندرون بندریدن اوکراین نینگ ازمائیل بندریگه قره ب باراتگن لیگی معلوم قیلیندی.

حادثه بیلن تیگیشلی تیرگاو باشله تیلدی.