انقره ده تورک دولتلری تشکیلاتی فوق العاده ییغیلیشی بولیب اوته دی
اوشبو دایره ده تورکیه جمهوررئیسی تشکیلات اعضاسی ایریم اولکه لرنینگ رهبر لری بیلن اوچره شدی
بوگون تورکیه جمهوریتی پایتختی انقره ده تورک دولتلری تشکیلاتی فوق العاده رهبر لر ییغیلیشی بولیب اوته دی.
تورکیه ده یوز بیرگن ییرقیمیرلش حادثه لری باعث تورک دولتلری تشکیلاتی رهبر لر ییغیلیشی نینگ تورکیه جمهوریتی جمهوررئیسی رجب طیب اردوغان میزبانلیگیده فوق العاده آجندا بیلن بولیب اوته دیگن لیگی بیلدیریلدی.
اوشبو دایره ده جمهوررئیس اردوغان تشکیلات اعضاسی ایریم اولکه لرنینگ جمهوررئیس لری بیلن اوچره شدی.
جمهوررئیس اردوغان, دستلب اوزبیکستان جمهوررئیسی شوکت میرضیایف بیلن اوچره شدی.
اردوغان نینگ, آذربایجان و قیرغزستان جمهوررئیس لری الهام علی اف و صدر جباروف بیلن هم اوچره شگن لیگی بیلدیریلدی.
اوچره شوو لرده رهبر لر, تورکیه ده یوز بیرگن زلزله لر سببلی اردوغان گه همدردلیک بیلدیردی. عینی دمده اوچره شوولرده ایکّی تامانلمه مناسبتلر و منطقه مقیاسیده گی مسئله لر باره سیده بحث ایتیلدی. بوندن تشقری خوددی شوو اوچره شوو لرده تورک دولتلری تشکیلاتی رهبر لر ییغیلیشی نینگ کون ترتیبی ده گی موضوع لر حقیده هم سوز یوریتیلدی.
اوشبو ییغیلیش تورکیه, اوزبیکستان, آذربایجان, قزاقستان و قیرغزستان نینگ اشتراکی بیلن بولیب اوته دی.