تورکیه ده زلزله عاقبتیده قیرق سکیز مینگ گه یقین کیشی حیاتینی یوقاتدی

تورکیه جمهوریتی آفت و عاجل وضعیت باشقرمه سی نینگ باشلیغی یونس سیزر, مرکزی تورکیه نینگ قهرمان ماراش ولایتیدن عبارت بولگن زلزله لرده 47 مینگ 975 کیشی نینگ حیاتینی یوقاتگن لیگینی معلوم قیلدی. 

سیزر, پایتخت انقره ده بیرگن بیاناتیده, 6- فبروری ده یوز بیرگن اوشبو ییرقیمیرلش حادثه لری دن تاثیرلنگن منطقه لرده وضعیت نی یخشی لشتیریش و  قوله گن بنالرنینگ قالدیق لری نی تازه له ش جریانی نینگ دوام ایتیاتگن لیگینی بیلدیردی. 

زلزله لر عاقبتیده حیاتینی یوقاتگنلر سانی نینگ آرتیب کیتگن لیگی نی معلوم قیلگن سیزر, "حیاتینی یوقاتگنلر سانی 47 مینگ 975 نفر گه ییتدی" دییه قید ایتدی. 

حاضرگی کونده 3 مینگ 954 قیدیرو- پرسونلی نینگ قوله گن بنالرنینگ قالدیق لری نی تازه له ش و بشری یاردم لر بوییچه فعالیت آلیب باریاتگن لیگی نی بیلدیرگن سیزر, باشقه اولکه لردن کیلگن 300 گه یقین قیدیرو- قوتقرو پرسونلی نینگ هم منطقه ده موجود ایکن لیگینی معلوم قیلدی.