تورکیه جمهورباشلیغی ایردوغان کابینه جلسه سی نینگ آرتیدن بیانات بیردی

جمهورباشلیغی رجب طیب ایردوغان 6 فبروریده یوزبیرگن ییرقیمیرلش عاقبتیده اولگنلرنینگ 35 مینگ 418 گه ییتگن لیگینی بیلدیردی.

جمهورباشلیغی ایردوغان «عصرنینگ فلاکتی» ایتیب اتلگن قهرمانمره شده یوزبیرگن و 10 ولایت گه تاثیر قالدیرگن 7،7 و 7،6 رشتر ییرقیمیرلشلر کون ترتیبی بوییچه اوتکزیلگن وزیرلر کینگشی جلسه سی نینگ آرتیدن بیانات بیردی.

ایردوغان جنابلری بو ییرقیمیرلشلرنینگ "دنیا متخصصلری تامانیدن برچه سی درجه سی، ویران قیلیشی، جهتیدن استثنائی بیر طبیعی وضعیت ایتیب بهالندیریلماقده" دیب ایتدی و تلفات نینگ 35 مینگ 418 کیشی یره لیلرنینگ 105 مینگ 505 کیشیدن عبارت ایکن لیگینی معلوم قیلدی.

خوددی شو یره لیلردن 13 مینگ 208 کیشی نینگ داریلش جریانیده ایکن لیگینی افاده ایتگن ایردوغان قولب کیتگن 19 مینگدن آرتیق بنادن 15 مینگ ته سی نینگ تیکشیرووی نینگ اداغگه ییتیب بارگن لیگینی بیلدیردی.

جمهور باشلیغی زلزله یوزبیرگن منطقه ده قریب 250 مینگ دولت پرسونلی نینگ وظیفه آلیب بارگن لیگینی تاکییدلب؛

"قولب کیتگن بنالرنینگ آستیگه قالیب کیتگن سونگگی وطنداشلریمیزنی هم اوجایدن چیقیریب آلگونچگه قدر اورونیشلریمیز دوام ایته دی" دیدی.