جمهوررئیس اردوغان زلزله دن تاثیرلنگن ساحه لرنی کوریب چیقدی

تورکیه جمهوریتی جمهوررئیسی رجب طیب اردوغان, جاری آی نینگ 6- کونیده یوز بیرگن و مرکزی قهرمان ماراش ولایتی دن عبارت بولگن زلزله لردن تاثیرلنگن منطقه لرنی کوریب چیقدی. 

هتای نی کوریب چیققن اردوغان, منطقه ده وظیفه اجرا قیلیاتگن وزیرلردن قیدیرو- قوتقرو فعالیتلری حقیده معلومات آلیشی آرتیدن مطبوعاتی کنفرانس ترتیب له دی. 

اردوغان, "تاریخی میز نینگ اینگ کتته زلزله حادثه لریدن بیری گه دوچ کیلیب قالگن وضعیتده میز.  افسوس که 10 ولایتده دنیا ده تینگی بولمه گن ایکّی کتته زلزله گه دوچ کیلیب قالدیک" دییه قید ایتدی. 

جمهوررئیس اردوغان, هتای نینگ اوشبو زلزله دن اینگ کوپ تاثیرلنگن شهرلردن بیری ایکن لیگینی بیلدیردی. 

دولت و ملت نینگ برچه امکانیت لرینی زلزله دن تاثیرلنگن منطقه لرگه قره تگن لیگینی بیلدیرگن جمهوررئیس اردوغان, دولت پرسونلی, نادولت تشکیلاتلرنینگ اعضالری و چیت ایللردن کیلگن کونگیللی لر داخل 60 مینگ دن آرتیق کیشی نینگ, قیدیرو- قوتقرو و باشقه ساحه لر بوییچه جدی بیر شکلده فعالیت یوریتیاتگن لیگینی معلوم قیلدی. 

زلزله آرتیدن 60 دن آرتیق اولکه دن یاردم کیلگن لیگی و بولرنینگ همه سینی کیین اعلان قیله دیگن لیگینی معلوم قیلگن اردوغان, آذربایجان, اسرائیل, سعودی عربستان, قطر و کویت نینگ یاردم یوبارگن لیگی و یاردم لرینی دوام ایتدیره دیگن لیگینی بیلدیردی.

جمهوررئیس اردوغان, کیین هتای ولایتی نینگ اسکندرون تومنی و آدانا ولایتی نی کوریب چیقدی. 

اردوغان, هتای دن آلدین هم قهرمان ماراش گه باریب, ساحه ده گی وضعیت بوییچه معلومات آلگن ایدی.