جمهور باشلیغی ایردوغان تورک هوا یوللری نینگ ریکوردلر اورنه تگن لیگینی بیلدیردی

جمهور باشلیغی رجب طیب ایردوغان تورک هوا یوللری نینگ ریکوردلر اورنه تیب کیرگن 2023 ییلینی ینه ریکوردلر بیلن اداغگه ییتکزه جگینی امید قیلگن لیگینی ایتدی.

ایردوغان انتالیا ولایتیده اویوشتیریلگن تورک هوا یوللری ییتکچیلر ییغینی گه ویدیو پیامی جونتدی.

ایردوغان جنابلری سونگگی 3 ییلده دنیاده اولاً کروناویروس کسل لیگی آرتیدن منطقه ده گی ایسّیق توقنه شوولر بیلن بحرانی بیر باسقیچ یوز بیرگن لیگینی افاده ایتدی و بو جریاندن اینگ کوپ هواچیلیک سکتوری نینگ سلبی تاثیرلنگن لیگینی ایتدی.

ایردوغان "تورکیه پاندیمی جریانی نینگ ساغلیک نی سقلش تامانیدن قنداغکی یوتوقلی بیر شکلده باشقریب اوتکزگن بولسه هوا ترانسپورتی و کارگو ساحه سیده هم اوشبو یوتوقنی قولگه کیریتگن دیر" دیب ایتدی.

ایردوغان جنابلری تورک هوا یوللری تامانیدن وقتیده آلینگن چاره – تدبیرلر و کسللیک پیتیده عملی قیلگن ینگیلیکلر بیلن بحراندن اینگ آز تاثیرلنیب اوتکزگن لیگینی قید ایتدی.   

جمهور باشلیغی 2021 ییلی نینگ یاره لرنی داریلش ییلی بولیب اوتگن لیگینی 2022 ییلی نینگ ایسه هواچیلیک سکتوریده ریکوردلر اورنه تیلگن بیر ییل بولگن لیگینی معلوم قیلدی.

ایردوغان استانبول و انتالیا قاله ویرسه اولکه نینگ ایریم قونلغه لریده گی یولاوچی سانی نینگ بونی کورستگن لیگینی تیلگه آلدی.

"(تورک هوا یوللری صفتیده) اوچیشلرینگیزنی 5 قاره ده 129 اولکه گه عملگه آشیریب اولکه میز مقیاسیده اینگ قدریتلی شرکت بولدینگیز. تورک هوا یوللرینی دنیا مقیاسیده اینگ قدرلی 10 شرکت قطاریگه کیریتیب برچه میزنی فخرلنتیردینگیز. برچه نگیزنینگ اورونیشلرینگیز و محنتلرینگیز بیلن تبریکله یمن" دیدی.

جمهور باشلیغی ایردوغان تورک هوا یوللری نینگ برچه ملازملریگه یوتوقلر تیله دی.

ریکوردلر اورنه تیب کیرگن 2023 ییلیده سیزلرنینگ اورونیشلری بیلن انشالله ینه ریکوردلر بیلن اداغگه ییتکیزه جگیمیزنی امید قیله من" دیب ایتدی.