تورکیه بورسلری پروگرامی گه مراجعه لر قبول قیلیب باشلندی

چیت ایلده گی تورکلر و قرینداش جمعیتلر باشقرووی تامانیدن دنیانینگ تورت بورچه گیدن خلق ارا اوقیووچیلرگه بیریلگن تورکیه ده عالی تحصیل آلیش بورس فرصتی «تورکیه بورسلری» 2023 ییلی پروگرامی گه مراجعه لر قبول قیلیب باشلندی.

چیت ایلده گی تورکلر و قرینداش جمعیتلر باشقرووی تامانیدن بیریلگن یازمه بیاناتگه کوره، «بویوک اوقیووچی پروژه سی» دایره سیده دنیانینگ تورلی بورچه گیده گی اوقیووچیلرگه فرصت ایتیب بیریلگن تورکیه نینگ رسمی خلق ارا اوقیووچی بورس پروگرامی 2023 ییلی مراجعه لری باشلنگن وضعیتده.

بو بورس گه دنیانینگ برچه اولکه سیدن لیسانس، ماسترلیک و دوکتورا سویه سیده مراجعه قیلیش امکانیتی بیریلگن .

بورس پروگرامی گه مراجعه لر 20 فبروریگچه «https://tbbs.turkiyeburslari.gov.tr/ » سایتی آرقه لی آلینه دی.

تورکیه بورسلری پروگرامی؛ عالی بیلیم یورتلریده اوقیووچی جایلشتیریش، آیلیک بورس، عالی بیلیم یورتی خرجتی، ساغلیک بیمه سی، اوقیووچی یتاقخانه سی بیلن بیر قطارده برچه اکادیمیک پروگراملر قاله ویرسه اولکه سیگه کیتیب – کیلیش اوچاق تکتی امکانیتی بیرگن دنیا مقیاسیده اینگ کینگ اوقیووچی بورسی ایتیب تن آلینماقده.