روسیه دولت باشلیغی پوتین جمهور باشلیغی ایردوغانگه مقتاو یاغدیردی

روسیه دولت باشلیغی ویلادیمیر پوتین؛

"جمهور باشلیغی رجب طیب ایردوغان کوچلی و ساغلم بیر رهبر، تورک خلقی، اقتصادی و تورکیه نینگ منفعتلری گه کوره حرکت ایتماقده" دیدی.

ویلادیمیر پوتین خلق ارا والدی تارتیشوو کلوپی نینگ ییللیک جلسه سیده روسیه بیلن تورکیه اورته سیده گی مناسبتلر حقیده فکر بیلدیردی.

"ایککی ییل آلدین ایردوغان اوچون اولیملی نرسه لر ایتدینگیز. فکرینگیزگه اوزگریش بارمی؟" دیگن سوالگه جواب بیردی پوتین.

"جمهور باشلیغی ایردوغان کوچلی و ساغلم بیر رهبر، تورک خلقی، اقتصادی و تورکیه نینگ منفعتلری گه کوره حرکت ایتماقده. بونی ایردوغان نینگ انرژی، تورک آقیم طبیعی گاز پیپ نل نینگ قوریلیشی موضوعلریده گی اورنی کورستماقده" دیدی.

تورکیه ده اروپا اوچون گاز مرکزی قوریلیشینی تکلیف ایتگن لیکلرینی تاکییدله گن پوتین، "تورکیه نینگ اوز منفعتلریگه کوره بو تکلیف نی قبول ایتگن لیگینی" بیلدیردی.

توریزم، زراعت، ساختمان سکتورلریده تورک و روس منفعتی نینگ ماس کیلگن لیگینی ایتگن ویلادیمیر پوتین،

"شونده ی بولیب ایردوغان اوزیگه یوک بولیش گه و ایریم بیر اولکه نینگ منفعتلری گه کوره حرکت ایتیلیشی گه رخصت بیرمه یدی. بیز بیلن بولگن دیالوگ جریانیده هم اوز منفعتلرینی اویله یدی. تورکیه و ایردوغان بو معناده آسان بیر شریک ایمس. قرارلرنینگ انچه سی اوزون و آسان بولمه گن مذاکره لرده قبول قیلیب آلینماقده. ایککی تامان نینگ کیلیشیش آرزوسی بار و شو اوچون کیلیشیب آلماقده میز. شونده ی بولیب ایردوغان معقول و ایشانچلی بیر شریک دیر. بو اونینگ اینگ مهم خصوصیاتی دیر" دیب ایتدی.

ایردوغان نینگ اولکه سی نینگ منفعتلریدن مدافعه قیلگن لیگینی و بونینگ روسیه اوچون بیر قیینچیلیک یوزه گه چیقمه گن لیگینی معلوم قیلگن پوتین شولرنی ایتدی:

"ایردوغان حکومتی تامانیدن معقول کوریلگن قرارلر اوچون کوره شماقده. بیز هم آلینگن قرارلرنینگ اوزیمیز اوچون معقول بولیشی اوچون کوره شماقده میز. اینگ حساس موضوعلرده هم ییچیم تاپه میز. سوریه، خوفسیزلیک، اقتصاد، آست قوریش موضوعلری. حلی گچه موفق بولدیک. اگر قیین بیر یولدن اوتیب کیلیشیب آلگن بولسک، بونینگ عملی قیلینیشیدن امین بوله آله میز. مناسبتیمیزنینگ اینگ مهم تامانی، ایشانچ و برقرارلیک دیر" دیدی.