اروپا کینگشی سپورتدن مسؤل وزیرلر کنفرانسی بولیب اوتدی

جمهور باشلیغی رجب طیب ایردوغان انتالیا ولایتیده اویوشتیریلگن اروپا کینگشی 17 – سپورتدن مسؤل وزیرلر کنفرانسی گه ویدیو پیامی جونتدی.

اروپا کینگشی اعضاسی اولکه لر سپورتدن مسؤل وزیرلرینی تورکیه ده کوتیب آلیشدن خرسند ایکن لیکلرینی معلوم قیلگن ایردوغان جنابلری، "تورکیه نی بیر سپورت اولکه سی وضعیتی گه کیلتیرووچر آدیملرنی آتیش گه دوام ایته میز" دیدی.

سپورت نینگ تینچلیک و دوستلیک روحی گه اشاره قیلگن ایردوغان جونتگن پیامده، "توقنه شوولرنینگ و اوروشلرنینگ گلوبال کون ترتیبینی مشغول ایتگن بوگونگی کونده، سپورت نینگ بیرلشتیرووچی، برابرلیک تامانی گه کوپراق احتیاجیمیز بار. تورکیه اوله راق بو یانداشوو بیلن میزبانی بولگن خلق ارا سپورت فعالیتلری آرقه لی انسانلیک که قرشی مسؤلیتیمیزنی ادا قیلیش گه اورونماقده میز" دیدی.