تورکیه – روسیه ملی مدافعه وزیرلری اوزارا سوزلشوو اوتکزدی

تورکیه ملی مدافعه وزیری خلوصی آقر، روسیه فدراسیونی ملی مدافعه وزیری سرگی شویگو بیلن تیلفون آرقه لی سوزلشوو اوتکزدی.

تورکیه جمهوریتی ملی مدافعه وزیرلیگی تامانیدن بیریلگن بیاناتده، سوزلشووده، اوکراین و سوریه قاله ویرسه اوزارا و منطقوی مدافعه بیلن بیر قطارده خوفسیزلیک موضوعلری نینگ تیلگه آلینگن لیگی بیلدیریلدی.

اوکراین بوییچه، جمهور باشلیغی رجب طیب ایردوغان انچه مرته تیلگه آلگن بوندن آرتیق تلفات یوز بیرمه یشی، منطقه ده تینچلیک و برقرارلیک نینگ قیته دن تامین ایتیلیشی اوچون تیزده آتشکیسین ایتیب اعلان قیلینیشی نینگ اهمیتینی اورغوله گن.

ایککی تامان آتشکیسین موضوعیده همفکر ایکن شونده ی بولیب حبوبات توغریسیده گی ینگی لیکلر هم تیلگه آلینگن.

عیندمده خوددی شو سوزلشووده انسانی یاردم توغریسیده تورلی همکارلیک قیلیب تورگن تورکیه نینگ منطقه ده تینچلیک نینگ اورنه تیلیشی اوچون هردایمگی کبی اوستیگه توشگن نی قیلیش گه تیار ایکن لیگی تاکییدلنگن.

سوریه نینگ شمالی موضوعیده ایسه تورک وزیر آقر، ترور تهدیدی و کوریدوری گه دایمی توسیق بولیش و ترور تشکیلاتلری نینگ تاثیرسیز وضعیت گه کیلتیریلیشی نینگ اوزلری اوچون بیرینچی اورینده تورگن لیگینی افاده ایتگن.

آقر بوندن آلدین بولیب اوتگن کیلیشوولرنی رعایت قیلیش نینگ اهمیتینی هم تیلگه آلگن.