تورکیه ده بوگون ظفر بیره می طنطنه لی بیر شکلده قوتلنماقده

بوگون 30 اگست ظفر بیره می و تورکیه قوراللی کوچلری کونی ایتیب نشانلنماقده.

بویوک رهبر مصطفی کمال آتاتورک قومنده سیده گی تورک اردوسی نینگ 1922 ییثلی 26 جولایده باشله گن و 30 اگستده ظفر بیلن اداغگه ییتگن بویوک هجوم و باش قومندانلیک میدان اوروشی نینگ 100 ییل لیگی اولکه مقیاسیده، شمالی قبرس تورک جمهوریتی بیلن بیر قطارده دنیاده گی نماینده لیکلرده تورلی پروگراملر آرقه لی قوتلنماقده.

بویوک ظفرنینگ 100 ییل لیگی مناسبتی بیلن پایتخت انقره ده جایلشگن جمهور رئیسلیک مجتمعیده 913 ته موسیقیدان تامانیدن کنسرت اجرا ایتیله دی.

30 اگست ظفر بیره می استانبول تقسیم میدانیده، ازمیر جمهوریت میدانیده پروگراملر آرقه لی نشانلنماقده.

انتالیا قونلغه سی یولاوچی صالونی آق – قیزیل بالونلر بیلن بیزلدی. ترمینلده اوپیرا صنعتکارلری ملی مدحیه لرنی چلدی و فولکلوریک اویینلر اجرا ایتیلدی.

30 اگست ظفر بیره می و تورکیه قوراللی کوچلری کونی مناسبتی بیلن آذربایجان نینگ پایتختی باکوده جایلشگن تورک شهیدلیگیده مراسم اویوشتیریلدی.