تورکیه بیلن اوکراین اورته سیده کیلیشووگه قول قوییلدی

جمهور باشلیغی رجب طیب ایردوغان توناون کونی بیر کونلیک رسمی سفر آرقه لی اوکراین گه باریب اوچره شوو اوتکزگندی. شونده ی بولیب ایردوغان بیلن دولت باشلیغی ویلادیمیر زلنسکی نینگ حضوریده بو اولکه نینگ تخریب بولگن آست قوریشی نینگ قیته قوریلیشینی اوز ایچی گه آلگن کیلیشووگه قول قوییلدی.

جمهور باشلیغی ایردوغان بیلن زلنسکی، پوتوچکی سراییده اوچره شوو اوتکزدی.

شونده ی بولیب اوکراین نینگ اوروش طفیلی تخریب بولگن آست قوریشی نینگ قیته قوریلیشینی اوز ایچی گه آلگن کیلیشووگه اوکراین آست قوریش وزیری اولکسندر کوبراکوف بیلن تورکیه تجارت وزیری مِحمد موش قول قویدی.

اوشبو کیلیشوو بیلن ایککی اولکه اورته سیده اوکراین نینگ قیته قوریلیشی اوچون بیر ایش کوچی ایجاد ایتیله دی.

بو ایش کوچی آرقه لی اوکراینده یوللر، کوپریکلر، سوو و الکتریک آست قوریشی، کسلخانه و مکتب کبی اجتماعی و اقتصادی اهمیتی بولمیش جایلرنینگ قیته دن تیکلنیشی اوچون فعالیت آلیب باریله دی.

روس اردوسی 24 فبروریده اوکراین گه هجوم اویوشتیرگندی.