ایردوغان بیر قطار دولت و حکومت ییتکچیلری اوچون اوقات پروگرامی ترتیب بیردی

جمهور باشلیغی رجب طیب ایردوغان، 5- اسلامی بیردملیک بیلله شوولری اوچون قونیه گه تشریف بیورگن دولت و حکومت باشلیغلریگه آقشم اوقاتی ترتیب بیردی.

جمهور باشلیغی ایردوغان اسلامی بیردملیک سپورت فدراسیونی و اسلامی همکارلیک تشکیلاتی اعضاسی اولکه لرنینگ قتنشیشی بیلن اویوشتیریلگن 5- اسللامی بیردملیک بیلله شوولری نینگ آچیلیش مراسمی اوچون شهرگه کیلگن دولت و حکومت باشلیغلری و ایریم ییتکچیلر بیلن اوقات پروگرامیده اوچره شدی.

اوقات پروگرامی گه آذربایجان جمهور باشلیغی الهام علی یف، شمالی قبرس تورک جمهوریتی جمهور باشلیغی ایرسین تاتار، فلسطین باش وزیری محمد اشتیا، آلبانبا باش وزیری ایدی رما، الجزایر باش وزیری ایمن بن عبدالرحمان، سعودی عربستان سپورت وزیری و اسلامی سپورت فدراسیون باشلیغی شهزاده عبدالعزیز بن تورکی الفیصل آل سعود، قطر المپیاد کمیته سی باشلیغی شیخ جوان بن حمد آلثانی قتنشدی.

ایردوغان بو جایده علی یف بیلن مطبوعاتگه یاپیق روشده اوچره شوو اوتکزدی.