جمهوررئیس اردوغان تورکیه نینگ فلسطین خلقی نینگ یانیده ایکنی نی بیلدیردی

تورکیه جمهوریتی جمهوررئیسی رجب طیب اردوغان, تورکیه نینگ, فلسطین خلقی و غزه لیک قرداش لری نینگ یانیده ایکنی نی بیلدیردی. 

اردوغان, پایتخت انقره ده چانکایه قصریده بولیب اوتگن, 13- ایلچی لر کنفرانسیده معروضه قیلدی. 

جمهوررئیس اردوغان, تورکیه نینگ اسرائیل نینگ غزه ده عادی اهالی گه قره تیلگن هجوم لری گه قرشی انیق بیر سیاست آلیب باریاتگن لیگی نی بیلدیررایکن, "باله لر و حتی چقه لاق لرنی اولدیریش نینگ هیچ قنده ی بیر بهانه سی نینگ بولیشی ممکن ایمس.  تورکیه, فلسطین خلقی و غزه لیک قرداش لری نینگ یانیده دیر" دییه قید ایتدی. 

سوریه ده ینگی بیر عملیات نی هم ایما ایتگن اردوغان, اوز سوز لری نی, "جنوبی چیگره میزده 30 کیلومتر ایچکری ده خوفسیز بیر منطقه قوریش بوییچه قراری میز دوام ایتماقده.  سوریه ده ترور تشکیلاتی نینگ جایله شیب آلگن سونگّی منطقه نی هم تصفیه قیلیب, بو خوفسیزلیک کمربندی نینگ بولیم لری نی ان شاءالله یقینده تکمیل قیله میز" شکلیده دوام ایتتیردی. 

سونگّی پیتلرده آذربایجان بیلن ارمنستان اورته سیده یوز بیرگن ینگیلیک لر بیلن علاقه لی ایسه جمهوررئیس اردوغان, "ارمنستان نینگ ینگیلیک لر نی توغری بهالنتیریب آذربایجان و تورکیه نینگ صمیمی چقیریق لری گه جواب قیتیریشی بیلن منطقه میزده برقرارلیک نینگ اورنه تیله دیگن لیگی گه ایشانه من" دییه قید ایتدی. 

شرقی آقدینگیز ده گی طبیعی گاز فعالیت لری بیلن علاقه لی هم بحث ایتگن اردوغان, اوز سوز لری نی, "مسئولیتی میزده گی ساحه لرده بیزدن خبرسیز هر قنده ی بیر فعالیت گه اجازت بیرمه دیک و بیرمه یمیز" شکلیده دوام ایتتیردی.