تورکیه تامانیدن افغانستانده ییر قمیرلش یوز بیرگن منطقه لرگه انسانی یاردم ییتکیزیب بیریلدی

تورکیه جمهوریتی ایچکی ایشلر وزیرلیگی آفت و عاجل وضعیتلر باشقرووی تامانیدن افغانستانده یوز بیرگن قتّیق ییر قیمیرلش حادثه سیدن سلبی تاثیرلنگن 250 عایله گه آذیق – اوقات یاردم ایتیب بیریلدی.

ییر قیمیرلش حادثه سی اینگ کوپ زیان ییتکیزگن پکتیکا ولایتی نینگ گیان تومنیده اوی – جایلری ویران بولیب کیتگن 250 ته عایله گه آذیق – اوقات یاردم ایتیب بیریلدی.

اوشبو یاردملر افغانستانده گی انسانی بحران نی کمه یتیریلیشی گه حصه قوشیش مقصدی بیلن جونه تیلگن «یخشیلیک ریلی» بیلن جونه تیلگن آذیق – اوقات موادلریدن عبارت ایکن لیگی معلوم قیلیندی.

آفت گروهی مسؤلی تونچ ایلی ولایت باشلیغی جمع ایردوغان ؛

"یخشیلیک ریلی دایره سیده ییر قیمیرلش و سیل یوز بیرگن منطقه لرگه یاردملریمیز دوام ایته دی. شونده ی بولیب تمیزلیک موادلری هم یاردم ایتیب بیره میز" دیدی.

پاکستان چیگره سیگه انچه یقین جایده جایلشگن منطقه نینگ یولی نینگ قیینچیلیگی بوییچه بیانات بیرگن ایردوغان شولرنی ایتدی:

"قیین یولاوچیلیک بولدی. سیللر یوللرنی یاپیب قویگن حالده ییر قیمیرلش حادثه سی سلبی تاثیر قالدیرگن قرداشلریمیزگه سیل سوولری و چقمه – چقور یوللرنی اوتیش گه مجبور ایدیک. افغانستان خلقی نینگ تورکیه گه قره ته صمیمی تویغولریگه جواب بیردیک. تورکیه اداره لری و خلقی هردایم افغانستان خلقی نینگ یانیده بولیش گه دوام ایته دی" دیدی.

میلادی 22 جون تاریخیده یوز بیرگن 5،9 رشتر ییر قیمیرلش حادثه سی باعث 1200 اطرافیده انسان حیاتینی یوقاتگندی.