اسپانیاده بولیب اوتگن جلسه ده تورکیه خواهله گن نرسه نی قولگه کیریتیش گه موفق بولدی
اسپانیانینگ پایتختی مادریدده تورکیه، ناتو، سویدن و فینلند اورته سیده جلسه اوتکزیلدی
اسپانیانینگ پایتختی مادریدده بولیب اوتگن 4 تامانلیک جلسه ده تورکیه خواهله گن نرسه نی قولگه کیریتیب آلدی.
جمهور باشلیغی رجب طیب ایردوغان، فینلند جمهور باشلیغی سائولی نینستو، سویدن باش وزیری ماگدلنا اندرسون و ناتو باش کاتبی ینس ستولتنبرگ اورته سیده 4 تامانلیک جلسه اویوشتیریلدی.
مطبوعاتگه یاپیق روشده بولیب اوتگن جلسه نینگ آرتیدن تورکیه خواهله گن نرسه نی قولگه کیریتیب آلدی.
تورکیه، سویدن و فینلند اورته سیده فینلند بیلن سویدن نینگ ناتوگه اعضالیک بیتیمی گه تشقی ایشلر وزیرلری تامانیدن قول قوییلدی.
قوشمه بیاناتده "ایندی فینلند و سویدن برچه ترور تشکیلاتلری تامانیدن تورکیه گه قره ته آلیب باریلگن هجوملرنی آچیق و انیق بیر شکلده قاره له یدی. فینلند و سویدن پی کاکا و ایریم ترور تشکیلاتلری نینگ و اولر بیلن علاقه سی بولمیش شخصلرنینگ فعالیتلریگه توسیق بولیش نی تعهد ایته دی" دییلدی.
اوشبو 3 اولکه نینگ ترور تشکیلاتلری نینگ فعالیتلریگه توسیق بولیش مقصدی بیلن اورته لریده گی همکارلیک نی رواجلنتیریش گه قرار بیرگن لیکلری و فینلند بیلن سویدن نینگ تورکیه تامانیدن تامین ایتیلگن معلومات، دلیل و استخبارات نی دقت گه آلیب تروریستلرنی دیپورت قیلیش ویا تسلیم بیریش طلبلرینی تیزلیک بیلن عملی قیله جگی شونده ی بولیب پی کاکا و برچه ترماقلری نینگ پول ییغیشتیریش و اعضا قیلیش فعالیتلریگه قره ته تیرگاو آلیب باره جگی و بولرنی قولگه آله جگی قید ایتیلدی.
قوشمه بیاناتده ناتونینگ آچیق سیاستینی قوللب – قوتلش نی تایید ایتگن تورکیه نینگ مادرید جلسه سیده فینلند و سویدن نینگ ناتوگه اعضا بولیش گه دعوت ایتیلیشینی حمایه قیلگن لیگینی افاده ایتگن لیگی بیلدیریلدی.
خوددی شو قوشمه بیاناتده کیلگوسیده ناتونینگ متفقی بولمیش فینلند و سویدن نینگ پی وای دی/وای پی جی و تورکیه ده فتو دیب اتلگن ترور تشکیلاتلرینی قوللب – قوتله مسلیگینی افاده ایتگن لیگی تاکییدلنگن.
شونده ی بولیب سویدن نینگ تروریزم گه قرشی کوره ش نی اوز ایچی گه آلگن ینگی قانونی نینگ 1 جولایدن باشلب عملی بولیش گه باشله شی و حکومت نینگ تروریزم گه قرشی کوره ش لایحه سینی عملی قیله جگی قید ایتیلدی.
بیاناتده تورکیه، فینلند و سویدن نینگ اورته سیده ایندی هیچ بیر قورال چیکلاوی قالمه گن لیگینی تایید ایتگن لیکلری تاکیدلندی.