تورکیه دن اوچونچی یاردم مواد ریلی افغانستان گه قره ب یولگه قوییلدی

تورکیه دن افغانستان گه بشری یاردم نی تاشووچی "یخشی لیک ریلی" نینگ اوچونچیسی پایتخت انقره دن حرکت قیلدی. 

بشری یاردم موادی تورکیه جمهوریتی آفت و عاجل وضعیت لر اداره سی باشقرویده 19 ته یاردم موسسه سی نینگ سعی و حرکت لری نتیجه سیده ییغیشتیریلگن یاردم موادلرینی تشووچی اوچونچی "یخشیلیک ریلی"  پایتخت انقره دن افغانستانگه یوباریلدی. 

62 کانتینر 994 تندن عبارت اوچینچی "یخشیلیک ریلی" نینگ یوباریلیشی بوییچه انقره ده بولیب اوتگن مراسمده تورکیه جمهوریتی ایچکی ایش لر وزیری اورینباسری اسماعیل چتاقلی تورکیه نینگ بای کونگلی نینگ قولیده گی نانینی دنیانینگ هرجاییده گی مظلوملر بیلن پایلشگن لیگینی معلوم قیلیب "یخشیلیک ریللری" نینگ دوام ایته جگینی ایتدی.

آفت باشلیغی یونس سیزر ایسه بوندن آلدین جونه تیلگن ایککی ریل بیلن ییتکیزیب بیریلگن یارملرنینگ افغانستانده تقسیم قیلیش گه باشله گن لیگینی تیلگه آلدی.

بوندن آلدینگی ایککی یخشیلیک ریلی ایران و تورکمنستان آرقه لی 4 مینگ 168 کیلومترلیک مسافه نی طی قیلیب 12 کونده افغانستانگه ییتیب باردی.