جمهوررئیس اردوغان نینگ ساغلیغی یخشی لنماقده
اوشبو مطلب نی جمهوررئیسلیک سوزچیسی ابراهیم قلین بیلدیردی
جمهوررئیسلیک سوزچیسی ابراهیم قلین, ینگی تور کرونا ویروس (کووید 19) تستی مثبت چیققن تورکیه جمهوریتی جمهوررئیسی رجب طیب اردوغان نینگ ساغلیغی نینگ یخشی لنیاتگن لیگی نی معلوم قیلدی.
قلین, خصوصی بیر تلویزیون آرقه لی بیرگن بیاناتیده, "اوتگن کون گه کوره توناون جمهوررئیسی میز نینگ ساغلیق وضعیتی یخشی ایدی و داکتر لرنینگ ایتیشیچه بیر نیچه کون کیین کرونا تستی نینگ منفی چیقیشی ممکن" دییه قید ایتدی.
ابراهیم قلین, ناتو نینگ تورکیه گه منتدارچیلیک بیلدیرگن لیگی نی معلوم قیلرایکن, تورکیه نینگ بحران نینگ ییچیلیشی بوییچه هم اوکراین و همده روسیه بیلن مذاکره قیله آله دیگن بیرته گینه اولکه ایکن لیگی نی بیلدیردی.
قلین, جمهوررئیس اردوغان نینگ, اوکراین و روسیه جمهوررئیس لری زلنسکی بیلن پوتین نی بیر آره گه کیتیریش پیشنهادی نینگ حیاتی اهمیت گه ایگه ایکن لیگی نی معلوم قیلدی.
ابراهیم قلین, اسرائیل نینگ فلسطین مسئله سی بوییچه ایجابی قدم لر تشلیاتگن لیگی نی معلوم قیلرایکن, "اسرائیل جمهوررئیسی ییتزهاک هرتزوک نینگ تورکیه گه قیله دیگن سفری, هم ایککی اولکه اورته سیده گی مناسبت لر و همده فلسطین مسئله سی بوییچه مهم" دییه قید ایتدی.
قلین, 2,5 میلیون کیشی نینگ یشیاتگن سوریه نینگ ادلب منطقه سیدن مهاجر لرنینگ کیلیشی نینگ آلدی نینگ آلینیشی اوچون ایسه منطقه ده گی تورک حربی لرنینگ مهم رول گه ایگه ایکن لیگی نی بیلدیردی.
